ഉത്തര്‍പ്രദേശിലെ ഗോണ്ടയില്‍ നിന്ന് എട്ട് വയസുകാരനെ തട്ടിക്കൊണ്ടു പോ യി.എന്നാൽ കുട്ടിയെ അതിസാഹസികമായി പോലീസ് മോചിപ്പിച്ചു. ഉത്തര്‍പ്രദേശ് പൊലീസും പ്രത്യേക ദൗത്യ സംഘവും സംയുക്തമായി നടത്തിയ ഓപറേഷനിലായിരുന്നു അക്രമികളെ കീഴ്പ്പെടുത്തിയത്.വെള്ളിയാഴ്ച ഉച്ചയോടെയായിരുന്നു സംഭവങ്ങളുടെ തുടക്കം. ഗോണ്ടയിലെ പ്രമുഖ ഗുട്ക വ്യവസായിയുടെ കൊച്ചുമകനെ ഒരു സംഘം തട്ടിക്കൊണ്ടുപോയി . ആരോഗ്യ പ്രവര്‍ത്തകരെന്ന വ്യാജേനയെത്തിയായിരുന്നു തട്ടിക്കൊണ്ടുപോകല്‍. കാറില്‍ പ്രദേശത്തെത്തിയ സംഘം ആദ്യം സാനിറ്റൈസറും മാസ്ക്കുകളും വിതരണം ചെയ്തു . അതിനിടെ കൂടുതല്‍ സാനിറ്റൈസറും മാസ്കും നല്‍കാമെന്ന് പറഞ്ഞ് കുട്ടിയെ കാറിനടുത്തേക്ക് വിളി ക്കുകയായിരുന്നു . കുട്ടി അടുത്തെത്തിയപ്പോള്‍ കാറിലേക്ക് തള്ളിയിട്ട് വേഗത്തില്‍ വാഹനം ഓടിച്ചു പോവുകയും ചെയ്‌ത.

സംഭവം നടന്ന് മണിക്കൂറുകള്‍ക്കുള്ളില്‍ കുട്ടിയുടെ ബന്ധുക്കള്‍ക്ക് മോചനദ്രവ്യം ആവശ്യപ്പെട്ട് ഫോണ്‍ വിളിച്ചു . നാല് കോടി രൂപ നല്‍കിയാല്‍ കുട്ടിയെ വിട്ടുനല്‍കാമെന്നും ഫോണില്‍ വിളിച്ച സ്ത്രീ പറഞ്ഞു . ഇതിനിടെ പ്രത്യേക സംഘങ്ങളെ നിയോഗിച്ച്‌ പൊലീസും അന്വേഷണം ആരംഭിക്കുകയും ചെയ്തിരുന്നു . ശനിയാഴ്ച രാവിലെയായിരുന്നു തട്ടിക്കൊണ്ടുപോയ കുട്ടി ഗോണ്ടയില്‍ തന്നെയുണ്ടെന്ന് പൊലീസ് സ്ഥിരീകരിച്ചത്. സംഘത്തിന്റെ താവളം മനസിലാക്കിയ പൊലീസും പ്രത്യേക ദൗത്യ സംഘവും ഇവിടേക്ക് എത്തുകയായിരുന്നു . ഒടുവില്‍ ഏറ്റുമുട്ടലിനൊടുവില്‍ കുട്ടിയെ മോചിപ്പിക്കുകയും പ്രതികളായ അഞ്ച് പേരെ പിടികൂടി. സൂരജ് പാണ്ഡെ, ഛാവി പാണ്ഡെ, രാജ് പാണ്ഡെ, ഉമേഷ് യാദവ്, ദീപു കശ്യപ് എന്നിവരാണ് പിടിയിലായതെന്ന് പൊലീസ് പറഞ്ഞു. മൂന്ന് തോക്കുകളും കാറും ഇവരില്‍ നിന്ന് പിടിച്ചെടുത്തു. കുട്ടിയെ മോചിപ്പിച്ച പൊലീസ് സംഘത്തിന് രണ്ട് ലക്ഷം രൂപ പാരിതോഷികം നല്‍കുമെന്ന് ഉത്തര്‍പ്രദേശ് സര്‍ക്കാര്‍ അറിയിച്ചുട്ടുണ്ട് .