അമ്മായിയമ്മയും ഭാര്യയും ചേര്ന്ന് ചൂല് കൊണ്ടടിച്ചു.... മനംനൊന്ത് യുവാവ് ജീവനൊടുക്കി
അമ്മായിയമ്മയും ഭാര്യയും ചേര്ന്ന് ചൂല് കൊണ്ട് അടിച്ചതില് മനംനൊന്ത് 45 കാരന് ജീവനൊടുക്കി. പശ്ചിമ ബംഗാളിലെ അലിപൂര്ദുര് ജില്ലയിലാണ് സംഭവം നടന്നത്. ശമുക്താല പോലീസ് സ്റ്റേഷന് പരിധിയിലെ ജഷോദംഗ ഗ്രാമത്തിലെ സൗമിത്ര അധികാരിയാണ് മരിച്ചത്. വീടിന്റെ സീലിങ്ങില് തൂങ്ങിമരിച്ച നിലയിലാണ് മൃതദേഹം കണ്ടെത്തിയത്.
അതേസമയം സൗമിത്ര അധികാരിയുടെ അമ്മ അദ്ദേഹത്തിന്റെ ഭാര്യയ്ക്കും അമ്മായിയമ്മയ്ക്കും എതിരെ പോലീസില് പരാതി നല്കിയിരിക്കുകയാണ്. രാവിലെ അടുത്തുള്ള ഉത്തര് മജിദ്ഖാന ഗ്രാമത്തിലെ മരുമകളുടെ വീട്ടിലെത്തിയപ്പോള് ഇരുവരും ചേര്ന്ന് തന്റെ മകനെ ചൂല് കൊണ്ട് മര്ദ്ദിച്ചുവെന്നും മകളെ കാണാന് അനുവദിച്ചില്ലെന്നും പരാതിയില് പറയുന്നു.
ഭാര്യ വീട്ടില് പോയി സ്വന്തം വീട്ടില് തിരിച്ചെത്തിയ ശേഷം അധികാരി സംഭവം അമ്മയോട് വിശദീകരിച്ചുകൊണ്ട് കിടപ്പുമുറിയില് കയറി വാതില്പൂട്ടുകയായിരുന്നു. പിന്നീട് ഇദ്ദേഹത്തെ സീലിംഗില് തൂങ്ങിമരിച്ച നിലയില് കണ്ടെത്തുകയും ചെയ്തു. മൃതദേഹം പോസ്റ്റ്മോര്ട്ടം പരിശോധനയ്ക്ക് അയച്ചു. അന്വേഷണം തുടങ്ങിയെന്ന് ഉദ്യോഗസ്ഥര് .
"
https://www.facebook.com/Malayalivartha
