കൊവിഡ് വ്യാപനം രൂക്ഷമായതോടെ തെരുവുകലാകാരന്‍മാർക്കും കഷ്ടകാലമായി..അവരുടെ അഭ്യാസപ്രകടങ്ങൾ കണ്ട് കൂട്ടംകൂടി നിന്ന് കയ്യടിച്ചു പ്രോത്സാഹിപ്പിക്കാനും കാശുകൊടുക്കാനും ഇന്ന് തെരുവുകളിൽ ആളില്ല.

അതിനാൽ അഭ്യാസ പ്രകടനം നടത്തി ജീവിക്കുന്നവരിൽ പലരും പട്ടിണിയിലാണ്. തെരുവ് കലാകാരിയായ ശാന്തമ്മ പറയുന്നത് ഇങ്ങനെ ..‘എനിക്ക് പ്രായാധിക്യമുണ്ടെന്നും അതിനാല്‍ പുറത്ത് പോകരുതെന്നും കൊറോണ രോഗബാധയ്ക്ക് സാധ്യതയുണ്ടെന്നും എന്നോട് നിരവധി പേര്‍ പറഞ്ഞു.പക്ഷേ എന്റെ കൊച്ചുമക്കള്‍ പട്ടിണിയോട് പൊരുതുന്നത് കാണാന്‍ വയ്യ....

ഇവരുടെ അഭ്യാസത്തിന്റെ വീഡിയോ സോഷ്യല്‍ മീഡിയയില്‍ വൈറലായതോടെ നിരവധി പേരാണ് ഇവരുടെ കുടുംബത്തിന് സഹായവുമായി എത്തിയത്. ബോളിവുഡ് നടന്‍ റിതേഷ് ദേശ്മുഖ് വാരിയര്‍ ആജി എന്ന തലക്കെട്ടോടെ ഈ വീഡിയോ ഷെയര്‍ ചെയ്തിരുന്നു.

‘അഭ്യാസ പ്രകടനങ്ങളെല്ലാം കുടുംബപരമായി പകര്‍ന്നുകിട്ടിയതാണ്. എട്ട് വയസ്സുള്ളപ്പോള്‍ പിതാവില്‍ നിന്നാണ് ഇക്കാര്യങ്ങളെല്ലാം പഠിച്ചത്. മുന്നോട്ട് ജീവിക്കുന്നത് ഇവയെല്ലാം കൊണ്ടാണ്. കുടുംബത്തിന്റെ ഉപജീവനമാര്‍ഗവും ഇതാണ്. പിതാവ് മരിച്ചതിന് ശേഷം ഇവയെല്ലാം എനിക്കാണ് ലഭിച്ചത്.’ ശാന്താഭായി പറഞ്ഞു.