രാജ്യം കാത്തിരിക്കുന്ന ശുഭവാര്ത്ത; കോവാക്സിന് പ്രാഥമിക ഫലം സുരക്ഷിതം; ആദ്യ ഘട്ടം ഈ മാസം പൂര്ത്തിയാകും; സെപ്റ്റംബറില് രണ്ടാം ഘട്ടത്തിലേക്ക്; സെറം ഇന്ത്യ നിര്മാണത്തിന്റെ ട്രയല് ഉടന് ആരംഭിക്കും
രാജ്യത്ത് കോവിഡ് വ്യാപനം ശക്തമാണ്. വിഷമിപ്പിക്കുന്ന ഈ വാര്ത്തകള്ക്കിടയിലും പ്രതീക്ഷ നല്കുന്ന ഒരു വാര്ത്ത പുറത്ത് വരുകയാണ്. കോവിഡിനെ നേരിടാന് ഇന്ത്യയില് നിര്മിച്ച കോവാക്സിന്റെ മനുഷ്യരിലെ പരീക്ഷണങ്ങളുടെ പ്രാഥമിക ഫലം സുരക്ഷിതമെന്ന് റിപ്പോര്ട്ട്. ഭാരത് ബയോടെക്കും ഐഎംഎംആറും സംയുക്തമായി നിര്മിച്ച കോവാക്സിന് മനുഷ്യരിലെ പരീക്ഷണത്തിന്റെ ഫേസ് 1 ഘട്ടത്തിലാണ്. രാജ്യത്തെ 12 ഇടങ്ങളിലായി 375 വൊളന്റിയര്മാരിലാണ് വാക്സിന് ആദ്യഘട്ടത്തില് പരീക്ഷിച്ചത്. ഓരോരുത്തര്ക്കും രണ്ടു ഡോസ് വാക്സിന് നല്കിയെന്നും നിലവിലെ സാഹചര്യത്തില് സുരക്ഷിതമാണെന്നും ക്ലിനിക്കല് ട്രയല് നടത്തുന്നവര് അറിയിച്ചു. പരീക്ഷണങ്ങള് വിജയിച്ചാല്, 2021 ന്റെ ആദ്യ പകുതിയില് വാക്സിന് തയ്യാറാകാമെന്നാണ് അധികൃതര് പറയുന്നത്.
'വാക്സീന് ഇതുവരെ സുരക്ഷിതമാണ്. തങ്ങളുടെ സൈറ്റില് പരീക്ഷണം നടത്തിയവരില് വിപരീത പ്രവര്ത്തനങ്ങളൊന്നും ഇതുവരെ കണ്ടെത്തിയിട്ടില്ല' റോഹ്തക്ക് പിജിഐയില് വാക്സീന് പരീക്ഷണത്തിന് നേതൃത്വം നല്കുന്ന പ്രിന്സിപ്പല് ഇന്വെസ്റ്റിഗേറ്റര് സവിത വര്മ പറഞ്ഞു. രണ്ടാം ഡോസ് കൊടുത്തിട്ടും വൊളന്റിയര്മാര്ക്കിടയില് പ്രശ്നങ്ങളൊന്നുമില്ലെന്ന് ഡല്ഹി എയിംസിലെ പ്രിന്സിപ്പല് ഇന്വെസ്റ്റിഗേറ്റര് സഞ്ജയ് റായ് പറഞ്ഞു. ഇവിടെ 16 പേരിലാണ് പരീക്ഷണം നടത്തിയത്. രണ്ടാം ഡോസ് നല്കിയപ്പോള് വൊളന്റിയര്മാരുടെ രക്ത സാംപിളുകള് ശേഖരിച്ചിരുന്നു. ഇവ പരിശോധിച്ച് വാക്സീന്റെ പ്രതിരോധശേഷി അളക്കും. ഓഗസ്റ്റ് അവസാനത്തോടെ ഫേസ് 1 പൂര്ത്തിയാക്കാനാകുമെന്നാണ് പ്രതീക്ഷ. പുണെ വൈറോളജി ഇന്സ്റ്റിറ്റിയൂട്ടില് വേര്തിരിച്ചെടുത്ത സാര്സ് കോവ് 2 വൈറസിന്റെ ശ്രേണിയാണ് വാക്സീന് വികസിപ്പിക്കാന് ഉപയോഗിച്ചത്.
അതേസമയം, സെപ്റ്റംബര് ആദ്യ വാരം ആരംഭിക്കാന് ഉദ്ദേശിക്കുന്ന രണ്ടാം ഘട്ട പഠനത്തിനായി ട്രയല് സൈറ്റുകള് ഒരുങ്ങുകയാണ്. മിക്ക കേന്ദ്രങ്ങളും ഫേസ് 1 ട്രയല് പൂര്ത്തിയാക്കി. ഘട്ടം 1 ട്രയലുകളില് നിന്നുള്ള കണ്ടെത്തലുകള് ഉടന് സമര്പ്പിക്കുമെന്ന് റിപ്പോര്ട്ട്. ഇന്ത്യയില് ഇതിനോടകം മൂന്ന് കോവിഡ് വാക്സീനുകള് മനുഷ്യരില് പരീക്ഷണം പുരോഗമിക്കുകയാണ്. കാന്ഡിഡേറ്റുകള് നിലവില് ക്ലിനിക്കല് പരിശോധനയുടെ വിവിധ ഘട്ടങ്ങളിലാണെന്ന് ആരോഗ്യ മന്ത്രാലയം വ്യക്തമാക്കിയിരുന്നു. ഇതില് ഭാരത് ബയോടെക് ഐസിഎംആറിന്റെ കോവാക്സിന്, സൈഡസ് കാഡിലയുടെ സൈകോവിഡ്, ഓക്സ്ഫോര്ഡിന്റെ കോവിഷീല്ഡ് പൂനെ ആസ്ഥാനമായുള്ള സെറം ഇന്സ്റ്റിറ്റിയൂട്ട് പരീക്ഷിച്ച് നിര്മ്മിക്കുന്നു. ഇവയുടെ രണ്ടും മൂന്നും ഫേസ് രണ്ട്, മൂന്ന് ക്ലിനിക്കല് പരീക്ഷണങ്ങള് ഇന്ത്യയില് നടത്താന് സെറം ഇന്സ്റ്റിറ്റിയൂട്ടിന് ഡിസിജിഐ അനുമതി നല്കിയിട്ടുണ്ട്. ലോകത്തിലെ ഏറ്റവും വലിയ വാക്സിന് നിര്മ്മാതാവായ സെറം ഇന്ത്യ ഉടന് തന്നെ ട്രയല് ആരംഭിക്കാന് സാധ്യതയുണ്ടെന്നാണ് പുറത്ത് വരുന്ന പ്രതീക്ഷ നല്കതുന്ന വിവരം.
https://www.facebook.com/Malayalivartha
