പ്രധാനമന്ത്രിയും സോണിയയും ശ്രീനഗര് സന്ദര്ശിക്കാനിരിക്കെ തീവ്രവാദി ആക്രമണം, 8 സൈനികര് കൊല്ലപ്പെട്ടു, പിന്നില് ഹിസ്ബുള് മുജാഹിദീന്
ശ്രീനനഗറിലെ ഹൈദര്പ്പൂരയില് സൈന്യത്തിന്റെ വാഹനവ്യൂഹത്തിന് നേരെ തീവ്രവാദികള് നടത്തിയ വെടിവെപ്പില് 8 സൈനികര് കൊല്ലപ്പെട്ടു. 8 സൈനികര്ക്ക് പരിക്കേറ്റിറ്റുണ്ട്. പ്രധാനമന്ത്രി മന്മോഹന് സിങ്ങ് ചൊവ്വാഴ്ചയും യുപിഎ അധ്യക്ഷ സോണിയ ഗാന്ധി ബുധനാഴ്ചയും ശ്രീനഗര് സന്ദര്ശിക്കാനിരിക്കെയാണ് ആക്രമണം. സൈനിക വാഹനവ്യൂഹം കടന്നുപോകുമ്പോള് തീവ്രവാദികള് റോഡിന്റെ ഇരുവശങ്ങളില് നിന്നും വെടിയുതിര്ക്കുകയായിരുന്നു. ഹിസ്ബുള് മുജാഹിദീന് ആക്രമണത്തിന്റെ ഉത്തരവാദിത്വം ഏറ്റെടുത്തിട്ടുണ്ട്. പ്രദേശം സൈന്യം വളഞ്ഞിട്ടുണ്ട് മൂന്ന് ദിവസം മുന്പ് ശ്രീനഗറിലുണ്ടായ ആക്രമണത്തില് രണ്ട് പൊലീസുകാര് കൊല്ലപ്പെട്ടിരുന്നു. ഹൈദര്പൂരയിലെ ദേശീയ പാതയില് ക്ലാസിക് ആശുപത്രിയ്ക്ക് സമീപമായിരുന്നു ആക്രമണം. സംഭവസ്ഥലത്തേക്ക് കൂടുതല് സൈനികരെ എത്തിച്ചിട്ടുണ്ട്.
വെടിവെയ്പുണ്ടായി ചുരുങ്ങിയ സമയത്തിനുള്ളില് പ്രദേശം സൈന്യം വളഞ്ഞു. ഇതിനിടെ ഒരു തീവ്രവാദിയെ പിടികൂടിയതായായും റിപ്പോര്ട്ടുണ്ട്. കശ്മീരിന്റെ തെക്കു പടിഞ്ഞാറന് മേഖലകളെ ബന്ധിപ്പിക്കുന്ന റെയില്പാത ഉദ്ഘാടനം ചെയ്യാനാണ് പ്രധാനമന്ത്രി എത്തുന്നത്.
https://www.facebook.com/Malayalivartha