കപില്ദേവിന് ഹാര്ട്ട് അറ്റാക്ക്.... ഇന്നു പുലര്ച്ചെ ഒരു മണിയോടെ കപില്ദേവിനെ ഡല്ഹിയിലെ ഓഖ്ല റോഡിലുള്ള ഫോര്ട്ടീസ് എസ്കോര്ട്ട് ആശുപത്രിയില് എത്തിച്ചയുടന് ആന്ജിയോപ്ലാസ്റ്ററിക്കു വിധേയനാക്കി
ഇന്ത്യയുടെ ക്രിക്കറ്റ് ഇതിഹാസം കപില് ദേവിന് ഹൃദയാഘാതം. ഇന്നു പുലര്ച്ചെ ഒരു മണിയോടെ കപില്ദേവിനെ ഡല്ഹിയിലെ ഓഖ്ല റോഡിലുള്ള ഫോര്ട്ടീസ് എസ്കോര്ട്ട് ആശുപത്രിയില് എത്തിച്ചയുടന് ആന്ജിയോപ്ലാസ്റ്ററിക്കു വിധേയനാക്കി. ഹൃദയ ഞരമ്പുകളില് ആറ് ബ്ലോക്കുകള് കണ്ടെത്തിയതിനെത്തുടര്ന്ന് ഗുരുതരാവസ്ഥയിലായ കപില് ദേവിനെ ഡോക്ടര്മാരുടെ വിദഗ്ധസംഘം അടിയന്തരമായി ആന്ജിയോപ്ലാസ്റ്ററിക്കു വിധേയനാക്കുകയായിരുന്നു. 62 കാരനായ കപില് ഇന്റന്സീവ് കെയര് യൂണിറ്റില് വിദഗ്ധ സംഘത്തിന്റെ നിരീക്ഷണത്തില് കഴിയുകയാണ്.
വസതിയില് വെച്ച് ഗുുരുതരമായ നെഞ്ചുവേദന അനുഭവപ്പെട്ടതിനെത്തുടര്ന്നാണ് ഇദ്ദേഹത്തെ ആശുപത്രിയിലെത്തിച്ചത്. ഫോര്ട്ടീസ് ആശുപത്രിയിലെ കാര്ഡിയോളജി വകുപ്പ് ഡയറക്ടര് ഡോ.അതുല് മാത്തൂറിന്റെ നേതൃത്വത്തിലുള്ള സംഘടമാണ് അടിയന്തിര ചികിത്സ പൂര്ത്തിയാക്കിയത്. കപില് ദേവ് പൂര്ണ ആരോഗ്യം വീണ്ടെടുക്കാന് രാജ്യമെമ്പാടും ആരാധകര് പ്രാര്ഥനയിലാണ്. കപിലിന്റെ ഭാര്യ റോമിയും കുടുംബാംഗങ്ങളും ആശുപത്രിയിലുണ്ട്.
ഏതാനും മാസങ്ങളായി ഹൃദയസംബന്ധമായ പ്രശ്നങ്ങള്ക്ക് ഇദ്ദേഹം തുടരെ ചെക്ക് അപ്പുകള്ക്ക് വിധേയനായിരുന്നു. 1983ലെ ക്രിക്കറ്റ് വേള്ഡ് കപ്പ് ഉള്പ്പെടെ ഇന്ത്യയ്ക്ക് ലോകക്രിക്കറ്റില് അഭിമാന നേട്ടങ്ങള് സമ്മാനിച്ച ഹരിയാനക്കാരനായ മുന് നായകന്റെ ചികിത്സാ കാര്യങ്ങളില് പ്രധാനമന്ത്രി ഉള്പ്പെടെ ആശുപത്രി അധികൃതരുമായി സംസാരിച്ചിരുന്നു.
https://www.facebook.com/Malayalivartha
