മണിപ്പാല് പീഡനം പ്രതികള് പിടിയില്
മണിപ്പാല് സര്വകലാശാലയില് മലയാളി വിദ്യാര്ഥിനിയെ കൂട്ടമാനഭംഗം ചെയ്ത സംഭവത്തില് രണ്ടു പ്രതികള് പിടിയില്. മംഗലാപുരം ഇരിയടുക്ക സ്വദേശികളായ യോഗിഷ്, ഹരീഷ് എന്നിവരാണ് പോലീസ് പിടിയിലായത്. സംഘത്തിലെ മൂന്നാമന് ആനന്ദിന് വേണ്ടിയുള്ള തെരച്ചില് തുടരുകയാണ്. ഇന്നു രാവിലെ മംഗലാപുരത്തുവെച്ചാണ് പ്രതികളെ പിടികൂടിയത്.
പെണ്കുട്ടിയെ തട്ടികൊണ്ടു പോകാന് സംഘം ഉപയോഗിച്ച ഓട്ടോറിക്ഷയും പോലീസ് കസ്റ്റഡിയിലെടുത്തു. സംഭവം നടന്ന് ഏഴ് ദിവസത്തിന് ശേഷമാണ് പോലീസ് പ്രതികളെ വലയിലാക്കിയത്. 200 ഓളം പോലീസുകാര് കേസുമായി ബന്ധപ്പെട്ട് അന്വേഷണത്തിലായിരുന്നു. 800 ഓളം ഫോണ് കോളുകളും പോലീസ് പരിശോധിച്ചു. പെണ്കുട്ടിയുടെ മൊഴിയുടെയും രേഖാചിത്രത്തിന്റെയും അടിസ്ഥാനത്തില് നടത്തിയ അന്വേഷണത്തിലാണ് പ്രതികള് വലയിലായത്. പിടിയിലാകുമ്പോള് അവശനിലയിലായിരുന്ന ഒരു പ്രതിയെ ആശുപത്രിയില് പ്രവേശിപ്പിച്ചിരിക്കുകയാണ്. മണിപ്പാല് സര്വകലാശാലയിലെ എം.ബി.ബി.എസ് വിദ്യാര്ത്ഥിനിയാണ് പീഡനത്തിന് ഇരയായത്.
https://www.facebook.com/Malayalivartha