മകന്റെ സ്‌കൂള്‍ ഫീസ് അടയ്ക്കാന്‍ പണം ചോദിച്ച ഭാര്യയോട് ഭര്‍ത്താവിന്റെ ക്രൂരത?
മകന്റെ സ്‌കൂള്‍ ഫീസ് അടയ്ക്കാന്‍ പണം ചോദിച്ച ഭാര്യയെ ക്രൂരമായി ആക്രമിച്ച് ഭര്‍ത്താവ്. ഭര്‍ത്താവിന്റെ ക്രീര മര്‍ദ്ദനത്തില്‍ ബോധരഹിതയായ 39കാരി ഗുരുതര പരിക്കുകളോടെ ആശുപത്രിയില്‍ ചികിത്സയിലാണ്. യുവതിയുടെ പരാതിയില്‍ ഭര്‍ത്താവിനെതിരെ കേസെടുത്ത് പൊലീസ് അന്വേഷണം ആരംഭിച്ചു. ബംഗളൂരുവിലാണ് സംഭവം.12 വര്‍ഷം മുന്പ് പ്രണയിച്ച് വിവാഹം കഴിച്ച ദമ്ബതികളാണ് ഇരുവരും. വിവാഹത്തിന് യുവതിയുടെ വീട്ടുകാര്‍ക്ക് താല്‍പര്യമില്ലായിരുന്നു. ഇതോടെ ഇവര്‍ യുവതിയെ കയ്യൊഴിഞ്ഞു. ഏഴും ഒന്‍പതും വയസുള്ള രണ്ടു കുട്ടികള്‍ക്കൊപ്പം യുവതിയും ഭര്‍ത്താവും ബെംഗളൂരു ബിടിആര്‍ ഗാര്‍ഡനിലാണ് താമസിച്ചു വന്നിരുന്നത്.
പക്ഷേ സാമ്ബത്തിക പ്രശ്‌നങ്ങള്‍ വന്നതോടെ ഭര്‍ത്താവ് യുവതിയെ ക്രൂരമായി ഉപദ്രവിക്കാന്‍ ആരംഭിച്ചു. സാമ്ബത്തിക പ്രശ്‌നങ്ങള്‍ക്ക് കാരണം യുവതിയാണെന്ന് പറഞ്ഞാണ് ഉപദ്രവിച്ചിരുന്നത്. നഗരത്തിലെ പ്രമുഖ സ്‌കൂളില്‍ പഠിക്കുന്ന മൂത്ത മകന്റെ സ്‌കൂള്‍ ഫീസ് ചോദിച്ചതാണ് ഒടുവിലത്തെ പ്രശ്‌നങ്ങള്‍ക്ക് കാരണം. ഡൈനിംഗ് ടേബിളിനും ഭിത്തിക്കും ഇടയിലേക്ക് തള്ളിയിട്ടശേഷം കസേര കൊണ്ട് യുവതിയെ ക്രൂരമായി തല്ലുകയായിരുന്നു. കസേര ഒടിഞ്ഞതോടെ പാത്രങ്ങള്‍ വയ്ക്കുന്ന സ്റ്റീല്‍ റാക്ക് കൊണ്ട് തലയ്ക്ക് അടിച്ചതായും റിപ്പോര്‍ട്ടില്‍ പറയുന്നു. അതിനിടെ മക്കള്‍ അച്ഛനെ തടയാന്‍ ശ്രമിച്ചെങ്കിലും മുറിയില്‍ പോകാന്‍ പറഞ്ഞ് മൂത്തമകനെയും തല്ലിയതായി 39കാരി പറയുന്നു. ഒടുവില്‍ ബോധം പോയ യുവതിയെ മക്കളും അയല്‍വാസികളും ചേര്‍ന്ന് ആശുപത്രിയിലെത്തിക്കുകയായിരുന്നു.
https://www.facebook.com/Malayalivartha
