കോവിഡ് മൂന്നാം തരംഗത്തെ തടയാന് ശക്തമായ പ്രതിരോധ നടപടികള് ആവശ്യമെന്ന് കേന്ദ്രം
ശക്തമായ പ്രതിരോധ നടപടികള് സ്വീകരിക്കുന്നതിലൂടെ കോവിഡിന്റെ മൂന്നാംതരംഗത്തെ തടയാനാകുമെന്ന് കേന്ദ്രസര്ക്കാരിന്റെ പ്രിന്സിപ്പല് അഡൈ്വസര് കെ. വിജയരാഘവന്. ഡല്ഹിയില് ആരോഗ്യമന്ത്രാലയത്തിന്റെ വാര്ത്താാസമ്മേളനത്തില് സംസാരിക്കുകയായിരുന്നു അദ്ദേഹം. ശക്തമായ നടപടികള് സ്വീകരിക്കുകയാണെങ്കില് രാജ്യത്ത്കോവിഡ് മൂന്നാംതരംഗത്തെ തടയാന് സാധിക്കും. പ്രാദേശികതലം മുതല് ജില്ലകള്, സംസ്ഥാനങ്ങള് തുടങ്ങി എല്ലായിടത്തും എത്രത്തോളം ഫലപ്രദമായി പ്രതിരോധം നടപ്പാക്കുന്നു എന്നതിനെ ആശ്രയിച്ചായിരിക്കും ഇതെന്നും വിജയരാഘവന് കൂട്ടിച്ചേര്ത്തു. രാജ്യത്ത് കോവിഡിന്റെ മൂന്നാംതരംഗം തീര്ച്ചയായും സംഭവിക്കുമെന്ന് കഴിഞ്ഞദിവസം കേന്ദ്രസര്ക്കാര് വ്യക്തമാക്കിയിരുന്നു. മഹാരാഷ്ട്ര, കര്ണാടക, കേരളം, ഉത്തര് പ്രദേശ്, രാജസ്ഥാന്, ആന്ധ്രാപ്രദേശ്, ഗുജറാത്ത്, തമിഴ്നാട്, ഛത്തീസ്ഗഢ്, പശ്ചിമ ബംഗാള്, ഹരിയാണ, ബിഹാര് എന്നീ സംസ്ഥാനങ്ങളില് കേസ് വളരെ കൂടുതലാണെന്ന് കേന്ദ്ര ആരോഗ്യ മന്ത്രാലയം അഡീഷണല് സെക്രട്ടറി ആരതി അഹൂജ പറഞ്ഞു.
https://www.facebook.com/Malayalivartha
