പ്രമുഖ ഒഡീസി നര്ത്തകി ഇലിയാനക്ക് പൂരി ജഗന്നാഥ ക്ഷേത്രത്തില് മര്ദ്ദനം
പൂരി ജഗന്നാഥ ക്ഷേത്രത്തില് പ്രമുഖ ഒഡീസി നര്ത്തകി ഇലിയാന സിറ്റാറിസ്റ്റിയ്ക്ക് മര്ദ്ദനം. വിഗ്രഹ ദര്ശനത്തിന് പണം നല്കാത്തതിന്റെ പേരില് ക്ഷേത്രത്തിലെ പരിചാരകരാണ് ഇലിയാനയെ മര്ദ്ദിച്ചത്. ഞായറാഴ്ചയാണ് ഇലിയീനയും സുഹൃത്തും ക്ഷേത്ര ദര്ശനത്തിന് എത്തിയത്. ഭഹുതി യാത്രയ്ക്കു ശേഷം ക്ഷേത്രത്തിലെ പുരി ജഗന്നാഥ ക്ഷേത്രത്തിനു മുന്നില് ഭക്തര്ക്ക് ദര്ശനം നടത്താന് വിഗ്രഹം സ്ഥാപിക്കുകയായിരുന്നു.
ആയിരം രൂപ നല്കാനാണ് പരിചാരകര് ആവശ്യപ്പെട്ടതെന്ന് ഇലിയാന പറഞ്ഞു. എന്നാല് ഇത് നല്കാന് തയ്യാറാകാത്ത തങ്ങളോട് അയാള് മോശമായി പെരുമാറുകയും,മര്ദ്ദിച്ചെന്നും ഇലിയാന വ്യക്തമാക്കി. ഇവരുടെ പരാതിയില് ക്ഷേത്രം അധികൃതര് അന്വേഷണം ആരംഭിച്ചു.
ഇറ്റലിയില് ജനിച്ച ഇലിയാന 1979 മുതല് ഒറീസയിലാണ് താമസം. ഒഡീസി ന്യത്തത്തിന് നല്കിയ സംഭാവനകള് മാനിച്ച് രാജ്യം ഇവരെ പത്മശ്രീ നല്കി ആദരിച്ചിട്ടുണ്ട്.
https://www.facebook.com/Malayalivartha