പ്രധാനമന്ത്രി പദത്തിന് മോദി അയോഗ്യനെന്ന് അമര്ത്യാസെന്
നരേന്ദ്ര മോദിയെ പ്രധാനമന്ത്രിയായി കാണാന് ആഗ്രഹിക്കുന്നില്ലെന്ന് നോബേല് സമ്മാന ജേതാവും,സാമ്പത്തിക വിദഗ്ധനുമായ അമര്ത്യാസെന്. ഒരു ഇംഗ്ലീഷ് ചാനലിന് നല്കിയ അഭിമുഖത്തിലാണ് അമര്ത്യാസെന് തന്റെ അഭിപ്രായം വ്യക്തമാക്കിയത്.
രാജ്യത്തെ ന്യൂനപക്ഷങ്ങള്ക്ക് സുരക്ഷാ ബോധം ഉറപ്പുവരുത്താന് മോദിക്കായിട്ടില്ല. കൂടാതെ മോദിയുടെ വികസന മാതൃക അംഗീകരിക്കാന് കഴിയുന്നതല്ലെന്നും അദ്ദേഹം വ്യക്തമാക്കി. ന്യൂനപക്ഷത്തിന് വേണ്ടി ഗുജറാത്തില് മോദിക്ക് ഒന്നുംതന്നെ ചെയ്യാന് കഴിഞ്ഞിട്ടില്ലെന്നും അമര്ത്യാസെന് വിമര്ശിക്കുന്നു.
ഇത്തരത്തില് പലയിടങ്ങളില് നിന്നായി മോദിക്കെതിരെ വിമര്ശനങ്ങള് വരുന്ന പശ്ചാത്തലത്തില് ബി.ജെ.പിയും എന്.ഡി.എയും കൂടുതല് പ്രതിരോധത്തിലാവുകയാണ്. മോദിയെ പ്രധാനമന്ത്രി സ്ഥാനാര്ത്ഥിയായി ഉയര്ത്തികാട്ടി പൊതു തെരെഞ്ഞെടുപ്പിനെ നേരിടാന് ഒരുങ്ങുകയാണ് ബി.ജെ.പി. എന്നാല് മോദിയുടെ സ്ഥാനാര്ത്ഥി പ്രഖ്യാപനത്തോടെ മോദി വിരുദ്ധ പ്രസ്ഥാവനകള് ശക്തമാവുകയാണ്. എന്.ഡി.എ സഖ്യകക്ഷിയായിരുന്ന ജനതാദള് യുണൈറ്റഡ് എന്.ഡി.എ വിട്ടതും നരേന്ദ്ര മോദിയുടെ പ്രധാനമന്ത്രി സ്ഥാനാര്ത്ഥിത്വത്തെ ചോദ്യം ചെയ്തുകൊണ്ടായിരുന്നു.
https://www.facebook.com/Malayalivartha
