നീലച്ചിത്രക്കേസില് നടി ശില്പാ ഷെട്ടിയുടെ ഭര്ത്താവ് രാജ് കുന്ദ്രയ്ക്ക് ജാമ്യം അനുവദിച്ച് മുംബൈയിലെ കോടതി
നീലച്ചിത്രക്കേസില് നടി ശില്പാ ഷെട്ടിയുടെ ഭര്ത്താവ് രാജ് കുന്ദ്രയ്ക്ക് ജാമ്യം അനുവദിച്ച് മുംബൈയിലെ കോടതി. കുന്ദ്ര ഉള്പ്പെടെ നാലുപേര്ക്കെതിരേ മുംബൈ പോലീസ് അനുബന്ധ കുറ്റപത്രം സമര്പ്പിച്ചതിനു പിന്നാലെയാണ് ജാമ്യം ലഭിക്കുന്നത്. പോലീസ് സമര്പ്പിച്ച കുറ്റപത്രത്തില് തനിക്കെതിരേ തെളിവുകളൊന്നും ഹാജരാക്കിയിട്ടില്ലെന്നും ഈ കേസില് തന്നെ ബലിയാടാക്കുകയായിരുന്നെന്നും കാണിച്ച് ശനിയാഴ്ചയാണ് രാജ് കുന്ദ്ര മുംബൈയിലെ കോടതിയില് ജാമ്യാപേക്ഷ നല്കിയത്.
50,000 രൂപയുടെ ഈടിന്മേല് തിങ്കളാഴ്ചതന്നെ കുന്ദ്രയ്ക്ക് ജാമ്യം ലഭിച്ചു. നീലച്ചിത്രങ്ങള് ചിത്രീകരിച്ച് ഹോട്ട് ഷോട്ട് എന്ന ആപ്പ് വഴി ഇന്റര്നെറ്റില് പ്രചരിപ്പിച്ചെന്ന കുറ്റം ചുമത്തി ജൂലായ് മാസത്തിലാണ് രാജ് കുന്ദ്രയെ പോലീസ് അറസ്റ്റുചെയ്തത്.
ജാമ്യം നിഷേധിക്കപ്പെട്ട കുന്ദ്ര ഇത്രനാള് ജുഡീഷ്യല് കസ്റ്റഡിയിലായിരുന്നു. അശ്ലീലചിത്രങ്ങള് നിര്മിച്ച് ഓണ്ലൈന് പ്ലാറ്റ്ഫോമുകളിലൂടെ വിതരണംചെയ്തെന്ന കേസില് നടി ഗഹന വസിഷ്ഠ് ഉള്പ്പെടെ ഒമ്പതു പേര്ക്കെതിരേ മുംബൈ പോലീസ് നേരത്തേ കുറ്റപത്രം സമര്പ്പിച്ചിരുന്നു.
രാജ് കുന്ദ്രയുടെയും ഭാര്യാസഹോദരന് പ്രദീപ് ബക്ഷിയുടെയും കുന്ദ്രയുടെ സ്ഥാപനത്തില് ഐ.ടി. വിഭാഗം മേധാവിയായ റയാന് തോര്പ്പിന്റെയും കൂട്ടുപ്രതി അരവിന്ദ് കുമാര് ശ്രീവാസ്തവയുടെയും പേരിലാണ് കഴിഞ്ഞയാഴ്ച അനുബന്ധ കുറ്റപത്രം സമര്പ്പിച്ചത്.
"
https://www.facebook.com/Malayalivartha