ജ്യോതിബസുവിന് സംഭവിച്ചത് ചെന്നിത്തലയ്ക്കും സംഭവിക്കുമോ?
പണ്ട് ജ്യോതിബസുവിന് സംഭവിച്ചത് ഇപ്പോള് ചെന്നിത്തലയ്ക്കും സംഭവിക്കുമോ എന്ന സംശയത്തിലാണ് രാഷ്ട്രീയകുതുകികള്. മന്ത്രിസഭാ പുന:സംഘടനാ ചര്ച്ച മുറുകവേ ചെന്നിത്തല മന്ത്രിസഭയില് ചേരേണ്ടതില്ലെന്ന നിലപാട് ഐ ഗ്രൂപ്പ് കര്ശനമാക്കുന്നു.
ജ്യോതിബസുവിന് സംഭവിച്ച ചരിത്രപരമായ മണ്ടത്തരം തനിക്കും വന്നു ചേരുമോ എന്ന സംശയം ചെന്നിത്തലയ്ക്കുമുണ്ട്. പ്രതിച്ഛായ മോശമായ മന്ത്രിസഭയില് എന്തിന് ചേരണം എന്നാണ് ഐ ഗ്രൂപ്പ് ചോദിക്കുന്നത്. പാര്ലമെന്റ് തിരഞ്ഞെടുപ്പ് ആസന്നമായിരിക്കെ ചെന്നിത്തലയെ കൂടി വഞ്ചിയില് കയറി തോല്വിയുടെ ഉത്തരവാദിത്വം ചാര്ത്തിയെടുക്കുവാനുള്ള ഉമ്മന്ചാണ്ടിയുടെ അടവാണ് ഇതെന്നും ഐ ഗ്രൂപ്പ് പറയുന്നു.
ചെന്നിത്തല മന്ത്രിസഭയില് വന്നേക്കുമെന്ന് ഭയന്ന് ആഭ്യന്തരവകുപ്പ് തിരുവഞ്ചൂരിന് കൈമാറിയ ഉമ്മന്ചാണ്ടിയെ വിശ്വസിക്കരുതെന്നാണ് ഐ ഗ്രൂപ്പ് നേതാക്കള് ചെന്നിത്തലക്ക് നല്കുന്ന ഉപദേശം. ചെന്നിത്തല മന്ത്രിസഭയിലേക്ക് വന്നാല് എങ്ങനെ പ്രതിച്ഛായ നന്നാക്കുമെന്നാണ് കെ. മുരളീധരനും സുധാകരനും ഉള്പ്പെട്ട നേതാക്കള് ചോദിക്കുന്നത്. അതേസമയം ഹൈക്കമാന്റ് ആവശ്യപ്പെട്ടാല് ചെന്നിത്തലയ്ക്ക് മന്ത്രിസ്ഥാനം ഏറ്റെടുക്കേണ്ടി വരും.
തിരുവഞ്ചൂരും കരുക്കള് നീക്കി കഴിഞ്ഞു. ആന്റണിയെ ഉപയോഗിച്ച് സ്ഥാനം ഭദ്രമാക്കാനാണ് തിരുവഞ്ചൂര് ശ്രമിക്കുന്നത്. സോളാറിലും ചന്ദ്രശേഖരന് വധത്തിലും നിഷ്പ്രയാസം അന്വേഷണം നടത്താന് കഴിഞ്ഞത് തിരുവഞ്ചൂരിന്റെ നേട്ടമാണെന്ന് എ വിഭാഗം ഫ്രാക്ഷന് പറയുന്നു. ചെന്നിത്തല കസേരയിലെത്തിയാല് അന്വേഷണങ്ങള് അട്ടിമറിക്കപ്പെടുമെന്നും ഇവര് വാദിക്കുന്നു.
പാലം കടക്കുവോളം നാരായണ, പാലം കടന്നാല് കൂരായണ എന്ന മട്ടിലുള്ള ഉമ്മന്ചാണ്ടിയുടെ ശൈലിക്ക് നിന്നു കൊടുക്കരുതെന്ന ഉപദേശം ചെന്നിത്തല സ്വീകരിക്കാനാണ് സാധ്യത. പാര്ലമെന്റ് തെരഞ്ഞെടുപ്പിനുശേഷം മുഖ്യമന്ത്രി കസേരയില് നോട്ടമിടാം എന്നാണ് ചെന്നിത്തലയ്ക്ക് ലഭിക്കുന്ന ഉപദേശം.
https://www.facebook.com/Malayalivartha
