അരിച്ചുപെറുക്കി സിബിഐ... സാമ്പത്തിക കുറ്റകൃത്യങ്ങളിൽ ഏർപ്പെട്ടിരിക്കുന്ന സൈബർ കുറ്റവാളികൾക്കായി 105 സ്ഥലങ്ങളിൽ പരിശോധന നടത്തി സിബിഐ... നിരീക്ഷണത്തിൽ ഉള്ളത് 300 പ്രതികൾ...
'ഓപ്പറേഷൻ ചക്ര' എന്ന പേരിലാണ് പരിശോധന ആരംഭിച്ചത്.105ൽ 87 സ്ഥലങ്ങളിൽ സിബിഐയും 18 സ്ഥലങ്ങളിൽ സംസ്ഥാന പൊലീസും തിരച്ചിൽ നടത്തി. 300ഓളം പ്രതികൾ നിരീക്ഷണത്തിലാണ്. സൈബർ തട്ടിപ്പ് നടത്തിയ രണ്ട് കോൾ സെന്ററുകൾ പിടിച്ചെടുത്തതായി സിബിഐ അറിയിച്ചു.ഡല്ഹിയിലെ അഞ്ച് സ്ഥലങ്ങളില് നടത്തിയ റെയ്ഡിന് പുറമെ ആന്ഡമാന് നിക്കോബാര് ദ്വീപുകള്, പഞ്ചാബ്, ചണ്ഡീഗഡ്, രാജസ്ഥാന്, അസം, കര്ണാടക എന്നിവിടങ്ങളിലേക്കും സംഘം പോയി.
പരിശോധനകൾക്ക് പിന്നാലെ സിബിഐ ഒന്നിലധികം കേസുകൾ രജിസ്റ്റർ ചെയ്തു. ഡിജിറ്റൽ തെളിവുകൾ പിടിച്ചെടുത്തിട്ടുണ്ട്. സാമ്പത്തിക ഇടപാടുകളുടെ വിശദാംശങ്ങൾ വിശകലനം ചെയ്തുവരികയാണെന്ന് ഉദ്യോഗസ്ഥർ അറിയിച്ചു. രാജസ്ഥാനിൽ നടത്തിയ പരിശോധനയിൽ ഒന്നരക്കോടി രൂപയും ഒന്നര കിലോ സ്വർണവും സിബിഐ പിടിച്ചെടുത്തിട്ടുണ്ട്.
https://www.facebook.com/Malayalivartha