ബെംഗളൂരുവില്‍ മദ്യപാനിയായ മകനെ പിതാവ് തീവച്ചു കൊലപ്പെടുത്തി... ബെംഗളൂരു റൂറല്‍ ജില്ലയിലെ ദൊഡ്ഡബല്ലാപുരയ്ക്ക് സമീമുള്ള വണിഗരഹള്ളിയിലാണ് സംഭവം നടന്നത്. മദ്യപിച്ചെത്തി പതിവായി വീട്ടില്‍ വഴക്കുണ്ടാകുന്നത് സഹിക്കാന്‍ കഴിയാതായതോടെയാണ് പിതാവിന്റെ കടുംകൈ. കൊല്ലപ്പെട്ട ആദര്‍ശിന്റെ (30) പിതാവ് ജയരാമയ്യയെ പൊലീസ് അറസ്റ്റ് ചെയ്തു.

സ്ഥിരമായി മദ്യപിച്ച് വീട്ടിലെത്തി കുഴപ്പമുണ്ടാക്കുന്നയാളാണ് ആദര്‍ശ്. മദ്യപിച്ചു കഴിഞ്ഞാല്‍ വീട്ടിലുള്ളവരെ തല്ലിയൊതുക്കുന്നതാണ് ഇയാളുടെ പതിവ് രീതി.

കഴിഞ്ഞ ദിവസം വൈകുന്നേരം മദ്യപിക്കാനായി പണം നല്‍കാത്തതിന് ഇയാള്‍ അമ്മയെ ക്രൂരമായി മര്‍ദ്ദിച്ചു. തടയാനായി ശ്രമിച്ച അച്ഛന്‍ ജയരാമയ്യയ്ക്കും മര്‍ദ്ദനമേറ്റു. പിന്നീടു വീട്ടില്‍ നിന്ന് പോയ ആദര്‍ശ് രാത്രിയോടെ മദ്യപിച്ച് ബോധമില്ലാത്ത അവസ്ഥയിലാണ് തിരിച്ചെത്തിയത്.വീടിനോടു ചേര്‍ന്നുള്ള തോട്ടത്തിലേക്ക് ആദര്‍ശിനെ അച്ഛന്‍ കൂട്ടി കൊണ്ടുപോയി. മരത്തില്‍ കെട്ടിയിട്ട ശേഷം പെട്രോളൊഴിച്ച് തീവയ്ക്കുകയായിരുന്നുവെന്നാണ് റിപ്പോര്‍ട്ടുകളുള്ളത്. രാവിലെയാണ് കൊലപാതക വിവരം പുറം ലോകമറിയുന്നത്.   രാവിലെയാണ് കൊലപാതക വിവരം പുറം ലോകമറിയുന്നത്.