ഏകീകൃത സിവിൽ കോഡുമായി ബന്ധപ്പെട്ടുള്ള പ്രതികരണത്തിനിടയിൽ സിപിഎമ്മിനെ രൂക്ഷമായി വിമർശിച്ച് ​ഗവർണർ രംഗത്ത്. എന്തുക്കൊണ്ടാണ് പഴയ നിലപാടിൽ നിന്നും സിപിഎം മാറിയത് എന്ന നിർണായകമായ ചോദ്യമാണ് ഗവർണർ ഉന്നയിച്ചിരിക്കുന്നത്. ഏകീകൃത സിവിൽ കോഡിന് വേണ്ടി വാദിച്ചുകൊണ്ടിരുന്ന സിപിഎം നിലപാട് മാറ്റിയത് എന്ത് കൊണ്ടാണെന്ന് അവർക്ക് മാത്രമെ അറിയൂവെന്നും ഗവർണർ വ്യക്തമാക്കി .

ഏകീകൃത സിവിൽ കോഡിനെതിരെ എല്ലാവരെയും കൂട്ടി സമരം നടത്തുമെന്ന് സിപിഎം സംസ്ഥാന സെക്രട്ടറി എം.വി ​ഗോവിന്ദൻ പറഞ്ഞിരുന്നു. ഇതിനോടനുബന്ധിച്ച് സംസാരിക്കുകയായിരുന്നു ഗവർണർ. ഇടതുപക്ഷ പാർട്ടികൾ‘1990 വരെ തങ്ങളുടെ തിരഞ്ഞെടുപ്പ് പ്രകടന പത്രികകളിൽ ഏകീകൃത സിവിൽ കോഡ് നടപ്പാക്കുമെന്ന് വ്യക്തമാക്കിയിരുന്നതാണ്. അതായത് ബിജെപി മാത്രമല്ല .

ഇടത് പാർട്ടികളും ഏകീകൃത സിവിൽ കോഡിനെ അനുകൂലിച്ചിരുന്നു. യുസിസി നടപ്പിലാക്കുന്നതിന്റെ ഏറ്റവും വലിയ വക്താക്കളിലൊരാളായിരുന്നു അവർ എന്നും ഗവർണർ ചൂണ്ടിക്കാണിച്ചു . സിപിഎമ്മിന്റെ പഴയ തിരഞ്ഞെടുപ്പ് പ്രകടന പത്രികകൾ മാദ്ധ്യമങ്ങൾ പരിശോധിക്കണമെന്നും ഗവർണർ വ്യക്തമാക്കി.