കനത്ത മൂടല്മഞ്ഞ്... വരുന്ന രണ്ട് ദിവസം ഡല്ഹിയില് ഓറഞ്ച് അലര്ട്ട് പ്രഖ്യാപിച്ചു
കനത്ത മൂടല്മഞ്ഞിനെ തുടര്ന്ന് ഇന്ത്യന് കാലാവസ്ഥാ വകുപ്പ് ബുധന്, വ്യാഴം ദിവസങ്ങളില്് ഡല്ഹിയില് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്. കനത്ത മൂടല്മഞ്ഞ് കണക്കിലെടുത്ത് പഞ്ചാബിലും ഹരിയാനയിലും ബുധനാഴ്ച റെഡ് അലര്ട്ടും വ്യാഴാഴ്ച ഓറഞ്ച് അലര്ട്ടും പുറപ്പെടുവിച്ചിട്ടുണ്ട്. പഞ്ചാബ്, ഹരിയാന, ചണ്ഡീഗഡ്, ഡല്ഹി, ഉത്തര്പ്രദേശ്, ബിഹാര്, വടക്കന് രാജസ്ഥാന്, വടക്കന് മധ്യപ്രദേശ് എന്നിവിടങ്ങളിലെ മൂടല്മഞ്ഞ് ചില വിമാനത്താവളങ്ങളെയും ഹൈവേകളെയും റെയില്വേ റൂട്ടുകളെയും ബാധിച്ചേക്കാമെന്ന് കാലാവസ്ഥാ വകുപ്പ് പുറത്തിറക്കിയ നിര്ദ്ദേശത്തില് പറയുന്നു.
അതേസമയം യാത്രക്കാരുടെ പ്രതിസന്ധി മറികടക്കടക്കുന്നതിനായി വിമാനത്താവളങ്ങളില് 'വാര് റൂമുകള്' സ്ഥാപിക്കുമെന്ന് കേന്ദ്ര സിവില് ഏവിയേഷന് മന്ത്രി ജ്യോതിരാദിത്യ സിന്ധ്യ പറഞ്ഞു. മുംബൈ, ഡല്ഹി, ബാംഗ്ലൂര്, ഹൈദരാബാദ്, കൊല്ക്കത്ത, ചെന്നൈ എന്നീ ആറ് മെട്രോ നഗരങ്ങളിലെ വിമാനത്താവളങ്ങളിലാണ് യാത്രക്കാരുടെ പ്രശ്നങ്ങള് പരിഹരിക്കാന് വാര് റൂമുകള് സ്ഥാപിക്കുക. ഈ വിമാനത്താവളങ്ങളില് 24 മണിക്കൂറും സിഐഎസ്എഫിന്റെ കൂടുതല് സുരക്ഷാ ഉദ്യോ?ഗസ്ഥരെ വിന്യസിക്കുമെന്നും അദ്ദേഹം കൂട്ടിച്ചേര്ത്തു. കനത്ത മൂടല്മഞ്ഞിനെത്തുടര്ന്ന് ഡല്?ഹി വിമാനത്താവളത്തില് വിമാനങ്ങള് വൈകുകയും റദ്ദാക്കുകയും ചെയ്ത സാഹചര്യത്തിലാണ് സര്ക്കാരിന്റെ നീക്കം. ഡല്ഹിയിലെ ഐജിഐ എയര്പോര്ട്ടിനായി 29 എല് റണ്വേ CAT III പ്രവര്ത്തനക്ഷമമാക്കിയതായി കേന്ദ്രമന്ത്രി പറഞ്ഞു.
ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡിജിസിഎ) സ്റ്റാന്ഡേര്ഡ് ഓപ്പറേറ്റിംഗ് നടപടിക്രമങ്ങള് (എസ്ഒപി) പുറപ്പെടുവിച്ചിരുന്നു. 3 മണിക്കൂറില് കൂടുതല് വൈകുമെന്ന് പ്രതീക്ഷിക്കുന്ന ഫ്ലൈറ്റുകള് മുന്കൂട്ടി റദ്ദാക്കാമെന്നും എസ്ഒപിയില് പറഞ്ഞിട്ടുണ്ട്. മാര്ഗ നിര്ദേശങ്ങള് പുറത്തിറക്കുമെന്ന് നേരത്തെ കേന്ദ്ര വ്യോമയാന മന്ത്രി അറിയിച്ചിരുന്നു. ഇതിന് പിന്നാലെയാണ് ഡിജിസിഎ, എസ്ഒപി പുറത്തിറക്കിയത്. വിമാനം വൈകിയാല് യാത്രക്കാര്ക്ക് കൃത്യമായ സൗകര്യങ്ങള് ഒരുക്കാനും നിര്ദേശം നല്കിയിട്ടുണ്ട്. എല്ലാ എയര്ലൈനുകളും സിഎആറില് പറഞ്ഞിരിക്കുന്ന വ്യവസ്ഥകള് കര്ശനമായി പാലിക്കേണ്ടത് നിര്ബന്ധമാണ്. മൂടല്മഞ്ഞും പ്രതികൂല കാലാവസ്ഥയും, പ്രത്യേകിച്ച് ഡല്ഹി എയര്പോര്ട്ട് പോലുള്ള വിമാനത്താവളങ്ങളില്, വിമാനങ്ങളുടെ കാലതാമസം, റദ്ദാക്കല്, യാത്രക്കാരുടെ അസൗകര്യങ്ങള് എന്നിവ മൂലമുണ്ടായ സമീപകാല തടസ്സങ്ങള്ക്ക് മറുപടിയായാണ് ഡിജിസിഎ എസ്ഒപികള് നല്കിയത്.
https://www.facebook.com/Malayalivartha
