അഗതി മന്ദിരങ്ങളില്‍ നിന്നും രക്ഷപ്പെടുക എന്നുള്ളത് ആദ്യത്തെ സംഭവമല്ല. കൂട്ടിലടച്ച പോലെ അതിനകത്തു കിടക്കേണ്ടി വരുന്നതും, വാര്‍ഡന്‍മാരുടെ ക്രൂരതയും പീഡനവും സഹിക്കാതെ വരുമ്പോഴൊക്കെ അഗതി മന്ദിരങ്ങളില്‍ നിന്ന് പുറത്തു ചാടി പുറം ലോകത്തു ജീവിക്കാന്‍ ശ്രമിക്കുന്നവരുണ്ട്. എന്നാല്‍ വാര്‍ഡനെ ആക്രമിച്ചു കൂട്ടമായി രക്ഷപെട്ടിരിക്കുകയാണ് പ്രായ പൂര്‍ത്തിയാകാത്ത ഒരു കൂട്ടം പെണ്‍കുട്ടികള്‍..

ഹൈദരാബാദിലെ ഒദ്ധവ് പ്രദേശത്തു നിന്നുമാണ് പെണ്‍കുട്ടികള്‍ സിനിമ സ്‌റ്റൈലില്‍ രക്ഷപ്പെട്ടത്. ഒരാള്‍ വാര്‍ഡന്റെ കണ്ണില്‍ മുളക് പൊടിയെറിഞ്ഞു,മറ്റൊരു പെണ്‍കുട്ടി താക്കോല്‍ തട്ടിയെടുത്തു വാതില്‍ തുറന്നു പുറത്തു കടന്നു മതില്‍ ചാടി രക്ഷപ്പെടുകയായിരുന്നു. പതിനഞ്ചു വയസില്‍ താഴെ മാത്രം പ്രായമുള്ള പെണ്‍കുട്ടികള്‍ മന്ദിരത്തിന്റെ ആറരയടി ഉയരമുള്ള മതില്‍ ചാടികടന്നാണ് രക്ഷപ്പെട്ടത്.കഴിഞ്ഞ വെളിയാഴ്ച്ച രാത്രി 8.15 ഓടെയാണ് പെണ്‍കുട്ടികള്‍ രക്ഷപ്പെട്ടത്.

അഹമ്മദാബാദിനടുത്ത് ഒദ്ധവിലെ വനിതാ അഗതി മന്ദിരത്തില്‍ ആകെ 19 പെണ്‍കുട്ടികളാണ് ഉണ്ടായിരുന്നത്. ഇതില്‍ എല്ലാവരും പ്രായപൂര്‍ത്തിയാകാത്ത പെണ്‍കുട്ടികളാണ്. ഇതില്‍പെടുന്ന 14 പെണ്‍കുട്ടികളാണ് അഗതി മന്ദിരത്തില്‍ നിന്നും മതില്‍ ചാടി രക്ഷപ്പെട്ടത്.

പെണ്‍കുട്ടികള്‍ക്കായി ഒദ്ധവ് പൊലീസിലെയും െ്രെകം ബ്രാഞ്ചിലെയും ഒരു വിഭാഗവും വനിതാ സെല്ലും ചേര്‍ന്ന് നടത്തിയ അന്വേഷണത്തില്‍ ഒദ്ധവിലെ പോലീസ് സ്‌റ്റേഷന്‍ പരിസരത്തു നിന്ന് അഞ്ചുപെണ്‍കുട്ടികളെ കണ്ടെത്തി. െ്രെകം ബ്രാഞ്ചും വിജിലന്‍സും റെയില്‍വേ സ്‌റ്റേഷനിലും,ബസ് സ്റ്റാന്റുകളിലും തിരച്ചില്‍ നടത്തി വരികയാണ്. ബാക്കിയുള്ള 9 പെണ്‍കുട്ടികളും അടുത്ത് പരിസരത്തു തന്നെ കാണുമെന്നാണ് പോലീസ് കരുതുന്നത്.