ഇരുചക്ര വാഹനങ്ങള് ഓടിക്കുന്ന യുവതികളെ വാഹനത്തിനൊപ്പം കത്തിക്കുമെന്ന് ഭീഷണി
31 JULY 2016 11:36 PM IST
മലയാളി വാര്ത്ത
ഇരുചക്ര വാഹനങ്ങള് ഓടിക്കുന്ന യുവതികള്ക്ക് ഭീഷണിയുമായി കാശ്മീരില് പോസ്റ്ററുകള്.
സാങ്ബാസ് അസോസിയേഷന്റെ പേരിലാണ് ശ്രീനഗറില് വിവിധ ഭാഗങ്ങളില് പോസ്റ്റര്
പതിച്ചിരിക്കുന്നത്. ഇരുചക്ര വാഹനങ്ങള് ഓടിക്കുന്ന യുവതികളെ വാഹനത്തിനൊപ്പം
കത്തിക്കുമെന്നാണ് പോസ്റ്ററുകളില് പറയുന്നത്. പോരാട്ടം അവസാനിപ്പിക്കുന്നതുവരെ
വ്യപാരസ്ഥപങ്ങളും ബാങ്കുകളും തുറക്കരുതെന്ന മുന്നറിയിപ്പും പോസ്റ്ററിലുണ്ട്. മുന്നറിയിപ്പുകള്
അനുസരിക്കാന് തയ്യാറായില്ലെങ്കില് അനന്തരഫലങ്ങള് നേരിടാന് തയ്യാറാകാനും പോസ്റ്ററില് പറയുന്നു.
പ്രാര്ഥനകള്ക്കുശേഷം മുദ്രാവാക്യങ്ങള് മുഴക്കാന് മോസ്ക് കമ്മിറ്റികളോട് പോസ്റ്ററില്
ആവശ്യപ്പെട്ടിട്ടുണ്ട്. പോസ്റ്റര് പതിപ്പിച്ചവരെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
