ഭാര്യയുമായി അവിഹിത ബന്ധമുണ്ടെന്ന സംശയത്തെ തുടര്‍ന്ന് യുവാവ് ഒരു സുഹൃത്തിനെ അടിച്ചുകൊല്ലുകയും മറ്റൊരു സുഹൃത്തിനെ ഗുരുതരമായി പരിക്കേല്‍പ്പിക്കുകയും ചെയ്തു. ബസന്ത് പ്രധാന്‍ എന്നയാളാണ് കൊല്ലപ്പെട്ടത്. ലംബോധര്‍ പ്രധാന്‍ എന്നയാള്‍ക്കാണ് പരുക്കേറ്റത്.

ഭുവനേശ്വറിലെ നയപള്ളിയില്‍ ശനിയാഴ്ച രാത്രിയാണ് സംഭവം. മണ്‍കോരി ഉപയോഗിച്ചാണ് യുവാവ് ആക്രമണം നടത്തിയത്. സീമാഞ്ചല്‍ ജെന എന്ന യുവാവാണ് സുഹൃത്തുക്കളെ ആക്രമിച്ചത്.

ആക്രമണത്തിന്റെ ദൃശ്യം സമീപത്തുള്ള കെട്ടിടത്തിലെ സിസിടിവി കാമറയില്‍ പതിഞ്ഞിരുന്നു. ഇതിന്റെ അടിസ്ഥാനത്തില്‍ ജെനയെ സമീപത്തുള്ള ചേരിയില്‍ നിന്നും പോലീസ് അറസ്റ്റു ചെയ്തു.

ജെനയും ഭാര്യയും തമ്മിലുള്ള വഴക്ക് പരിഹരിക്കാന്‍ ഈ സുഹൃത്തുക്കള്‍ ഇടപെട്ടിരുന്നു. എന്നാല്‍ ഇവര്‍ക്ക് ഭാര്യയുമായി അവിഹിത ബന്ധമുണ്ടെന്ന് സംശയിച്ച ജെന ഇരുവരേയും വകവരുത്താന്‍ തീരുമാനിക്കുകയായിരുന്നുവെന്ന് പോലീസ് പറയുന്നു.