ശ്രീരാമസേന നടത്തിയ ആക്രമണത്തിന്റെയും തുടര്‍ഭീഷണിയുടെയും പശ്ചാത്തലത്തില്‍ സെന്റ് തോമസ് എയ്ഡഡ് ഹയര്‍ െ്രെപമറി സ്‌കൂളിലെ അറബിഭാഷാപഠനം നിര്‍ത്തലാക്കി. ഇന്നലെ അറബിഭാഷാ ക്‌ളാസ് നടന്നില്ല. ക്‌ളാസ് തുടരേണ്ടതില്ലെന്ന് വെള്ളിയാഴ്ച രാത്രി ബന്ധപ്പെട്ടവര്‍ യോഗംചേര്‍ന്ന് തീരുമാനിക്കുകയായിരുന്നു. 

ജൂലൈ 30നാണ് സ്‌കൂളില്‍ അതിക്രമിച്ചുകയറി സേനാപ്രവര്‍ത്തകര്‍ അറബിഭാഷാപഠനം തടസ്സപ്പെടുത്തിയത്. ഈ സംഭവവുമായി ബന്ധപ്പെട്ട് 16 പേരെ പൊലീസ് അറസ്റ്റ് ചെയ്തിരുന്നു. എന്നാല്‍, കേസ് പിന്‍വലിച്ചില്ലെ ങ്കില്‍ കത്തോലിക്ക ദേവാലയങ്ങള്‍ ഉപരോധിക്കുമെന്ന ഭീഷണിയുമായി ശ്രീരാമസേന സംസ്ഥാന പ്രസിഡന്റ് മഹേഷ് കുമാര്‍ കോപ്പ വെള്ളിയാഴ്ച രംഗത്തുവന്നിരുന്നു. 

നൂറ്റാണ്ട് പഴക്കമുള്ള ഈ കന്നട മാധ്യമ വിദ്യാലയത്തില്‍ ഒന്നുമുതല്‍ ഏഴുവരെ ക്‌ളാസുകളിലായി 160 കുട്ടികളാണ് പഠിക്കുന്നത്. ഏതാനും വര്‍ഷമായി അറബി, ജര്‍മന്‍, ഫ്രഞ്ച് എന്നീ ഭാഷകള്‍ പ്രത്യേകമായി ഇവിടെ പഠിപ്പിക്കുന്നുണ്ടായിരുന്നു. നാലു മാസം മുമ്പ് രക്ഷിതാക്കളുടെ അഭ്യര്‍ഥനയനുസരിച്ച് ജര്‍മന്‍, ഫ്രഞ്ച് ഭാഷകള്‍ ഒഴിവാക്കി അറബിഭാഷാപഠനം വിപുലപ്പെടുത്തുകയും കരാട്ടെ ഉള്‍പ്പെടുത്തുകയും ചെയ്തു. ശനിയാഴ്ച രാവിലെ 9.15 മുതല്‍ 10വരെയുള്ള പ്രത്യേക അറബിഭാഷാ പഠനത്തിന് ആറ്, ഏഴ് ക്‌ളാസുകളിലെ 40 കുട്ടികള്‍ ഹാജരായിരുന്നു.