തിരുവനന്തപുരം പാളയത്തിനടുത്ത് കെഎസ്ആര്ടിസി ബസിനു തീ പിടിച്ചു; വന് ദുരന്തം ഒഴിവായി
തെങ്കാശിയില് നിന്ന് തിരുവനന്തപുരത്തേക്ക് വന്ന കെഎസ്ആര്ടിസി ബസിനാണ് തീ പിടിച്ചത്. ബസിന്റെ എന്ജിനില് നിന്ന് തീ പടര്ന്നു ബസിനകത്തേക്ക് തീ പടര്ന്നു പിടിക്കുകയായിരുന്നു. രാവിലെ ഒന്പതുമണിയോടെയാണ് പാളയം എല്എംഎസ് നു സമീപം സിഗ്നലില് കിടക്കുമ്പോഴായിരുന്നു ബസിനു തീ പിടിച്ചത്.
ബസിന്റെ മുന് ഭാഗത്തു നിന്ന് പുക ഉയരുന്നതു കണ്ടതിനെ തുടര്ന്ന് യാത്രക്കാര് ബസില് നിന്നും ഇറങ്ങി ഓടിയതിനാല് കൂടുതല് അപകടം ഒന്നും സംഭവിച്ചില്ല. ബസിനകത്തും അടുത്ത ബസുകളിലും വിദ്യാര്ഥികള് ഉള്പ്പെടെ നിരവധി പേര് ഉണ്ടായിരുന്നെങ്കിലും സിഗ്നലില് നിര്ത്തിയിട്ടിരുന്നതിനാല് ആളുകള്ക്ക് പുറത്തു കടക്കുന്നതിനു ബുദ്ധിമുട്ടുണ്ടാവാതിരുന്നതിനാല് വന് ദുരന്തം ഒഴിവായി. സിഗ്നലില് നിരവധി ഇരുചക്ര വാഹനങ്ങളും പ്രൈവറ്റ് ബസുകളും ഉണ്ടായിരുന്നെങ്കിലും തീ ആളിപ്പടരാതിരുന്നതിനാല് കൂടുതല് അപകടമൊന്നും സംഭവിക്കാത്തതിന് കാരണമായി.
https://www.facebook.com/Malayalivartha