നിയമസഭയില് എംഎല്മാര്ക്കു മഞ്ഞക്കാര്ഡ്, എല്ലാ പ്രതിപക്ഷ എംഎല്എ മാരും ഒരാഴ്ച സസ്പെന്ഷനില്
തമിഴ്നാട്ടിലെ നിയമസഭയില് തമിഴ്നാട്ടിലെ മുഴുവന് പ്രതിപക്ഷ എംഎല്എ മാര്ക്ക് ഒരാഴ്ച്ചത്തേക്ക് സസ്പെന്ഷന് നല്കി നിയമ സഭ സ്പീക്കര്. സഭാ നടപടികള് തടസപ്പെടുത്തിയതിനാണു മുഴുവന് പ്രതിക്ഷ എംഎല്എമാരെയും നിയമസഭാ സ്പീക്കര് സസ്പെന്ഡ് ചെയ്തത്. നിയമസഭാ സമ്മേളനം ആരംഭിച്ചതു മുതല് നടപടികള് ഡിഎംകെ നേതൃത്വത്തിലുള്ള അംഗങ്ങള് തടസ്സപ്പെടുത്തിയിരുന്നു.
ബജറ്റിന്മേലുള്ള ചര്ച്ചയടക്കം നടത്തേണ്ട സമ്മേളനമാണ് തടസപ്പെട്ടത്. അതിനിടയില് ശശികല പുഷ്പയും തിരുച്ചിശിവയും തമ്മില് ദില്ലി ഇന്ദിരാഗാന്ധി രാജ്യാന്തര വിമാനത്താവളത്തിലുണ്ടായ ഏറ്റുമുട്ടലും വിഷയമായിരുന്നു. ഇന്നും സഭയില് പ്രതിപക്ഷാംഗങ്ങള് പ്രതിഷേധവുമായി എഴുനേറ്റപ്പോഴാണ് സസ്പെന്ഡ് ചെയ്യുന്നതായി സ്പീക്കര് അറിയിച്ചത്.
കഴിഞ്ഞദിവസം സഭയില് നിയമസഭയില് മുന് മുഖ്യമന്ത്രി എം കരുണാനിധിയെ പേരുവിളിക്കുന്നതിനെച്ചൊല്ലിയും ബഹളമുണ്ടായിരുന്നു. മുന് മുഖ്യമന്ത്രിയെ പേരുവിളിക്കാനാവില്ലെന്നാണ് ഡിഎംകെ വാദിച്ചത്. എന്നാല്, മുന് മുഖ്യമന്ത്രിമാരെ പേരുവിളിക്കുന്നതില് തെറ്റില്ലെന്നും മുഖ്യമന്ത്രിയെ പേരുവിളിക്കരുതെന്നും സ്പീക്കര് റൂളിംഗ് നല്കയിരുന്നു.
https://www.facebook.com/Malayalivartha
