അച്ഛന് അവധി കിട്ടിയില്ല, മകന് വീട്ടില് ആത്മഹത്യ ചെയ്തു,കൃഷി വകുപ് അധികൃതര്ക്കെതിരെ നടപടിക്ക് സര്ക്കാര്
മാനസീകാസ്വാസ്ഥ്യമുള്ള മകനെ കാണാന് ലീവ് അനുവദിക്കണമെന്ന ആവശ്യം അനുവദിക്കാത്തതിനാല് നേരത്തെ വീട്ടിലെത്താന് കഴിയാതെവന്നത് കൊണ്ട് അച്ഛന് നഷ്ടപ്പെട്ടത് മകന്റെ ജീവന്. മഹാരാഷ്ട്രയിലെ സംസ്ഥാന കൃഷി വകുപ്പില് ജോയിന്റ് സെക്രട്ടറിയായ രാജേഷ് ഖാഡെഗെയുടെ മകനാണ് ആത്മഹത്യ ചെയ്തത്.
മാനസിക അസ്വസ്ഥതകള്ക്ക് ചികിത്സയിലായിരുന്ന മകന് കഴിഞ്ഞ ദിവസം ഉച്ചയ്ക്ക് അദ്ദേഹത്തെ വിളിച്ച് നവി മുംബൈയിലുള്ള വീട്ടില് ഉടനെയെത്തണമെന്നും അല്ലെങ്കില് താന് മരിക്കുമെന്നും പറഞ്ഞു.
മകന് രോഗിയാണെന്നും തനിക്ക് ഉടന വീട്ടിലെത്തണമെന്നും കാണിച്ച് പിതാവ് മേലധികാരിയായ കൃഷി വകുപ്പ് അഡീഷണല് ചീഫ് സെക്രട്ടറി ഭഗവാന് സഹായ്ക്ക് ലീവ് അപേക്ഷ നല്കിയെങ്കിലും അധികൃതര് ലീവ് അനുവദിച്ചില്ല. ജോലി സമയം കഴിഞ്ഞ് വൈകുന്നനേരം വീട്ടിലെത്തിയപ്പോഴാണ് മകന് ആത്മഹത്യ ചെയ്ത നിലയില് കണ്ടെത്തിയത്.
സംഭവം വിവാദമായതിനെ തുടര്ന്ന് മഹാരാഷ്ട്ര സര്ക്കാര് തുടരന്വേഷണത്തിന് ഉത്തരവിട്ടിട്ടുണ്ട്.
https://www.facebook.com/Malayalivartha
