മോഡി മിണ്ടിയില്ല: ഒടുവില് രാജ്യസഭയിലെത്തി; ലോക്സഭ പിരിച്ചുവിട്ട് ഇപ്പോള് തെരഞ്ഞെടുപ്പ് നടത്താന് ധൈര്യമുണ്ടോ എന്ന് മായാവതിയുടെ വെല്ലുവിളി; പാര്ലമെന്റില് നടന്ന ഏഴ് കാര്യങ്ങള്
1. നോട്ട് പിന്വലിക്കല് തീരുമാനത്തില് ചര്ച്ചയാവശ്യപ്പെട്ട് പ്രതിപക്ഷത്തിന് മുന്നില് പാര്ലമെന്റിന്റെ ഇരുസഭകളും ഇന്നും പ്രക്ഷുബ്ധമായി. തുടര്ച്ചയായ ഏഴാം ദിനമാണ് സഭാ നടപടികള് തടസ്സപ്പെടുന്നത്. പ്രധാനമന്ത്രി പാര്ലമെന്റില് ഇതേ കുറിച്ച് ഒന്നും പറയില്ലെന്ന നിലപാടില് ഉറച്ചുനില്ക്കുകയാണ് സര്ക്കാരും ബിജെപിയും. ധനമന്ത്രി അരുണ് ജെയ്റ്റ്ലി മാത്രമായിരിക്കും മറുപടി പറയുക. സര്ക്കാരിന്റെ ഈ നിലപാട് പ്രതിപക്ഷം തള്ളി
2. പ്രതിപക്ഷ സമ്മര്ദങ്ങള്ക്കൊടുവില് മോഡി ഇന്ന് രാജ്യസഭയിലെത്തി. നോട്ട് പിന്വലിക്കലിനെ കുറിച്ച് പ്രധാനമന്ത്രി പാര്ലമന്റില് വിശദീകരണം നല്കണമെന്ന ആവശ്യമാണ് പ്രതിപക്ഷത്തിന്. ടെലിവിഷനിലൂടെ അഭിസംബോധന ചെയ്ത പ്രധാനമന്ത്രി എന്തുകൊണ്ടാണ് ഇക്കാര്യം പാര്ലമെന്റില് പറയാന് മടിക്കുന്നതെന്ന് പ്രതിപക്ഷ ചോദ്യത്തിന് സര്ക്കാര് തൃപ്തികരമായ ഉത്തരം ഇതുവരെ നല്കിയിട്ടില്ല. രാജ്യത്തെ ബാധിക്കുന്ന സുപ്രധാന തീരുമാനത്തില് പാര്ലമെന്റില് വിശദീകരിക്കണമെന്ന ഉത്തരവാദിത്തമാണ് പ്രതിപക്ഷം ചൂണ്ടിക്കാണിക്കുന്നത്. എംപിമാരുടെ അവകാശത്തിന് മേലുള്ള ലഘനമാണ് ഇതെന്നും പ്രതിപക്ഷം പറയുന്നു.
3. ഇന്നലെ പ്രധാനമന്ത്രി ലോക്സഭയില് എത്തിയെങ്കിലും പ്രതിപക്ഷത്തിന്റെ ആവശ്യത്തിന് വഴങ്ങിയില്ല. ധനമന്ത്രി അരുണ് ജെയ്റ്റ്ലി പറയും എന്നാണ് സര്ക്കാര് നിലപാട്. മോഡി ഇന്ന് രാജ്യസഭയില് പങ്കെടുക്കുമെന്ന് അറിയിച്ചിട്ടുണ്ടെങ്കിലും വിദശീകരണം നല്കില്ലന്ന നിലപാടില് മാറ്റമുണ്ടാകില്ല.
4. ചര്ച്ചയില്നിന്ന് പ്രധാനമന്ത്രി ഓടിയൊളിക്കുകയാണെന്ന് കോണ്ഗ്രസ് നേതാവ് ആനന്ദ് ശര്മ്മ ആരോപിച്ചു. പ്രതിപക്ഷം ഒന്നടങ്കം ആവശ്യപ്പെട്ടിട്ടും പ്രധാനമന്ത്രി രാജ്യസഭയില് വരാനുള്ള ധൈര്യം പോലും കാണിക്കുന്നില്ലെന്ന് ബിഎസ്പി നേതാവ് മായാവതി കുറ്റപ്പെടുത്തി. ലോക്സഭ പിരിച്ചുവിട്ട് തെരഞ്ഞെടുപ്പ് നടത്താന് പ്രധാനമന്ത്രിയെ മായാവതി വെല്ലുവിളിച്ചു.
5.ലോക്സഭയിലെ പ്രതിപക്ഷ ബഹളത്തിനിടെ സമാജ്വാദി പാര്ട്ടി എംപി അക്ഷയ് യാദവ് സ്പീക്കര് സുമിത്ര മഹാജനെതിരെ പേപ്പറുകള് കീറി വലിച്ചെറിഞ്ഞു. ഇതേതുടര്ന്ന് സഭ ഉച്ചയ്ക്ക് 12 മണി വരെ നിര്ത്തിവെച്ചു. സമാജ് വാദി പ്രസിഡണ്ട് മുലായം സിങ് യാദവിന്റെ അനന്തരവനും രാജ്യസഭാ എംപി രാം ഗോപാല് യാദവിന്റെ മകനുമാണ് അക്ഷയ് യാദവ്.
6. പാര്ലമെന്റ് സ്തംഭനം ഒഴിവാക്കുന്നതിനുള്ള ഒരു ശ്രമവും സര്ക്കാരിന്റെ ഭാഗത്തുനിന്ന് ഉണ്ടാകുന്നുമില്ല. പ്രതിപക്ഷ കക്ഷി നേതാക്കളുമായി രാവിലെ ചര്ച്ച നടത്തുമെന്ന അഭ്യൂഹങ്ങളുണ്ടായെങ്കിലും സര്ക്കാര് ഔദ്യോഗികമായി അതിന് ശ്രമിക്കുന്നില്ലെന്ന് മന്ത്രിമാരും ബിജെപി നേതാക്കളും അറിയിച്ചു.
7. മോഡി എത്തിയതോടെ രാജ്യസഭ സമ്മേളിക്കാന് പ്രതിപക്ഷം സന്നദ്ധമായി. മോഡി നോട്ട് പിന്വലിക്കിലിനെ രൂക്ഷമായി മുന് പ്രധാനമന്ത്രി ഡോ. മന്മോഹന്സിങ് വിമര്ശിച്ചു. നിയമവിധേയമായ വി്ഢ്ഢിത്തം എന്നാണ് മന്മോഹന്സിങ് ഇതിനെ വിശേഷിപ്പിച്ചത്
https://www.facebook.com/Malayalivartha
