ഏറ്റവും വലിയ ഒറ്റ കക്ഷിയായതിനാല്‍ കര്‍ണാടക മാതൃകയില്‍ സര്‍ക്കാര്‍ രൂപീകരിക്കാന്‍ ക്ഷണിക്കണമെന്നാവശ്യപ്പെട്ട്​ ഗോവയിലും മണിപ്പൂരിലും കോണ്‍ഗ്രസ്​ എം.എല്‍.എമാര്‍ ഗവര്‍ണറെ കണ്ടു. ബിഹാറില്‍ രാഷ്​ട്രീയ ജനതാദള്‍ സര്‍ക്കാര്‍ രൂപീകരിക്കാന്‍ അവകാശവാദം ഉന്നയിച്ചു. ആര്‍.ജെ.ഡി നേതാവ്​ തേജസ്വി യാദവും കോണ്‍ഗ്രസ്​ നേതാക്കളും ചേര്‍ന്നായിരുന്നു ഗവര്‍ണര്‍ സത്യപാല്‍ മാലിക്കി​െന കണ്ട്​ സര്‍ക്കാര്‍ രൂപീകരിക്കാന്‍ ക്ഷണിക്കണമെന്നാവശ്യപ്പെട്ട്​ കത്ത്​ കൈമാറിയത്​. എന്നാല്‍ ആര്‍.ജെ.ഡിയുടെ ആവശ്യം ഗവര്‍ണര്‍ തള്ളി.

ആര്‍.ജെ.ഡിയും കോണ്‍ഗ്രസും ജനതാദള്‍ (യു)വുമായി ചേര്‍ന്ന്​ മത്​സരിച്ച്‌​ വിജയിച്ചിരുന്നു. പിന്നീട്​ 2017 ജൂലൈയില്‍ ജെ.ഡി.യു നേതാവ്​ നിതീഷ്​ കുമാര്‍ സഖ്യം പിളര്‍ത്തി ബി.ജെ.പിയുമായി ചേര്‍ന്ന്​ ഭരണത്തില്‍ തുടരുകയായിരുന്നു. സഭയില്‍ ഭൂരിപക്ഷം തെളിയിക്കാന്‍ അവസരം നല്‍കണമെന്നാവശ്യപ്പെട്ട്​ ഗോവ ഗവര്‍ണര്‍ മൃദുല സിന്‍ഹക്ക്​ കോണ്‍ഗ്രസി​​​െന്‍റ നിയമസഭാ കക്ഷി നേതാവ്​ ചന്ദ്രകാന്ത്​ കവ്​ലേക്കര്‍ കത്ത്​ നല്‍കി. 16 കോണ്‍ഗ്രസ്​ എം.എല്‍.എമാര്‍ ഇൗ ആവശ്യമുന്നയിച്ച്‌​ ഗവര്‍ണറെ കണ്ടു.

2017 മാര്‍ച്ച്‌​ 12ന്​ ഗവര്‍ണര്‍ ചെയ്​ത തെറ്റ്​ തിരുത്തി കര്‍ണാടകയെ മാതൃകയാക്കണമെന്നാണ്​ തങ്ങള്‍ ആവശ്യപ്പെടുന്നതെന്ന്​ കോണ്‍ഗ്രസ്​ പറഞ്ഞു. ബി.ജെ.പി കാമ്ബില്‍ ചാക്കിട്ട്​ പിടിക്കാതെ തന്നെ സര്‍ക്കാര്‍ രൂപീകരിക്കാനാവശ്യമായ പിന്തുണ തങ്ങള്‍ക്കുണ്ട്​. അത്​ സഭയില്‍ തെളിയിക്കുമെന്നും കോണ്‍ഗ്രസ്​ അവകാശപ്പെട്ടു. ഗോവയില്‍ 40 അംഗ നിയമസഭയില്‍ 17 സീറ്റുകള്‍ നേടി കോണ്‍ഗ്രസ്​ ഏറ്റവും വലിയ ഒറ്റ കക്ഷിയായിരുന്നു. ബി.ജെ.പിക്ക്​ 13 സീറ്റും മറ്റുള്ള പാര്‍ട്ടികള്‍ക്ക്​ 10 സീറ്റും ലഭിച്ചിരുന്നു. വിശ്വജിത്​ റാണെ എന്ന കോണ്‍ഗ്രസ്​ എം.എല്‍.എ കഴിഞ്ഞ വര്‍ഷം അവസാനം ബി.ജെ.പിയില്‍ ചേര്‍ന്നതോടെ 16 സീറ്റായി ചുരുങ്ങുകയായിരുന്നു.

മണിപ്പൂരിലും കോണ്‍ഗ്രസ്​ എം.എല്‍.എമാര്‍ ആക്​ടിങ്​ ഗവര്‍ണര്‍ ജഗ്​ദീഷ്​ മുഖി​െയ കണ്ടു. ഇവി​െടയും ഏറ്റവും വലിയ ഒറ്റ കക്ഷി കോണ്‍ഗ്രസായിരുന്നിട്ടും ബി.ജെ.പിയു​െട നേതൃത്വത്തില്‍ സഖ്യ സര്‍ക്കാറാണ്​ അധികാരത്തിലേറിയത്​.