പ്ര​മുഖ മാ​ദ്ധ്യ​മ​പ്ര​വര്‍​ത്ത​ക​നും റൈ​സിം​ഗ് കാ​ശ്‌മീര്‍ ദി​ന​പ​ത്ര​ത്തി​ന്റെ പ​ത്രാ​ധി​പ​രു​മായ ഷു​ജാ​ത് ബു​ഖാ​രിയെ കൊലപ്പെടുത്തിയവരെന്ന് സംശയിക്കുന്ന നാലാമന്റെയും ചിത്രങ്ങള്‍ കാശ്‌മീര്‍ പൊലീസ് പുറത്തുവിട്ടു. വെളുത്ത ഷര്‍ട്ട് ധരിച്ച താടിക്കാരനായ ഇയാള്‍ കാറില്‍ മരിച്ചു കിടക്കുന്ന ബുഖാരിയുടെ മൃതദേഹം പരിശോധിക്കുന്ന​ ചിത്രമാണ് പൊലീസ്​​ പുറത്തു വിട്ടത്​. ഇയാള്‍ ശ്രീനഗര്‍ സ്വദേശി തന്നെയാണെന്നാണ്​ കരുതുന്നത്​. നേരത്തെ, ബൈക്കില്‍ സഞ്ചരിക്കുന്ന മൂന്ന് പേരുടെ ചിത്രങ്ങള്‍ പൊലീസിന് ലഭിച്ചിരുന്നു. ഇതില്‍ ഒരാള്‍ ഹെല്‍മെറ്റ് ധരിച്ചിട്ടുണ്ട്. ബാക്കി രണ്ട് പേരും തുണി ഉപയോഗിച്ച്‌ മുഖം മറച്ചിട്ടുണ്ട്.

പെ​രു​ന്നാ​ളി​ന്റെ ത​ലേ ദി​വ​സം വൈകിട്ട് ഇഫ്‌താര്‍ വിരുന്നിന് പോ​കാ​നായി ഓഫീസില്‍ നിന്ന് ഇറങ്ങിയപ്പോഴാണ് അ​ദ്ദേ​ഹ​ത്തി​ന് വെ​ടി​യേ​റ്റ​ത്. ശ്രീ​ന​ഗര്‍ പ്ര​സ് കോ​ളനി​യി​ലെ ഓ​ഫീ​സി​നു പു​റ​ത്ത് നിറുത്തിയിട്ട വാഹനത്തിലേക്ക് കയറുന്നതിനിടെയാണ് ബു​ഖാ​രി​ക്ക് വെ​ടി​യേ​റ്റ​തെ​ന്ന് പൊ​ലീ​സ് പ​റ​ഞ്ഞു. ഉ​ടന്‍ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. 1997 മു​തല്‍ 2012 വ​രെ ഹി​ന്ദു ദി​ന​പ​ത്ര​ത്തി​ന്റെ ശ്രീ​ന​ഗര്‍ പ്ര​ത്യേക ലേ​ഖ​ക​നാ​യി​രു​ന്നു അദ്ദേഹം. ഫ്ര​ണ്ട‌്‌ലൈന്‍ മാ​സി​ക​യി​ലും പി​ന്നീ​ട് പ്ര​വര്‍​ത്തി​ച്ചു. പാകിസ്ഥാനുമായുള്ള അനുര‌ഞ്ജനത്തിനുള്ള സമാന്തര ചര്‍ച്ചകളില്‍ പങ്കാളിയായിരുന്നു.