പകരക്കാരനെ കണ്ടെത്താനാകാതെ കോൺഗ്രസ്; പ്രിയങ്ക ഗാന്ധി സ്ഥാനം ഏറ്റെടുക്കുമോ ?
കോണ്ഗ്രസ് അധ്യക്ഷസ്ഥാനത്ത് പകരക്കാരനെ കണ്ടെത്താനാവാതെ കോൺഗ്രസ്. അധ്യക്ഷ പദവി രാജി വച്ച് രാഹുല് ഗാന്ധി പുറത്തു പോയി നാളുകൾ പിന്നിട്ടിട്ടും തൽസ്ഥാനത്തേക്ക് മറ്റൊരു ആളെ കണ്ടെത്താനാവാതെ വലയുകയാണ് കോൺഗ്രസ് നേതൃത്വം. അതേ സമയം പ്രിയങ്കഗാന്ധി അധ്യക്ഷസ്ഥാനം ഏറ്റെടുക്കണമെന്ന ആവശ്യവുമായി മുന് കേന്ദ്രമന്ത്രി ശ്രീപ്രകാശ് ജയ്സ്വാള് ആവശ്യപ്പെട്ടു. അദ്ദേഹത്തിൻറെ നേതൃത്വത്തിലുള്ള ഒരു സംഘം നേതാക്കള് ഈ ആവശ്യം ഉന്നയിച്ചു. സോണിയാഗാന്ധിയോട് ഈ സ്ഥാനം ഏറ്റെടുക്കാൻ ആവശ്യപ്പെട്ടെങ്കിലും അധ്യക്ഷ സ്ഥാനത്തേക്കില്ലെന്ന് സോണിയ നേരത്തെ തന്നെ വ്യക്തമാക്കി.
മുതിര്ന്ന നേതാക്കളാരെങ്കിലും പ്രസിഡന്റ് സ്ഥാനം ഏറ്റെടുക്കുമോ അതോ യുവ നേതൃത്വം വരുമോ എന്ന കാര്യവും സംശയത്തിലാണ്. അധ്യക്ഷ സ്ഥാനത്തേക്ക് പകരക്കാരനെ കണ്ടെത്താനുള്ള അനൗദ്യോഗിക ചര്ച്ചകൾ പോലും നടക്കുന്നില്ല. കോൺഗ്രസ് അധ്യക്ഷ സ്ഥാനത്തേക്ക് നിരവധി പേരുകള് പറയപ്പെടുന്നുണ്ട്. എങ്കിലും ശരിയായ ഒരു തീരുമാനത്തിൽ എത്താൻ എഐസിസിസക്കും പാര്ട്ടി പ്രവര്ത്തക സമിതിക്കും ഇത് വരെ സാധ്യമായിട്ടില്ല. ഈ കാര്യത്തിൽ തീരുമാനം എടുക്കേണ്ട പാര്ട്ടി പ്രവര്ത്തക സമിതി യോഗം ഈ ആഴ്ചയും കൂടില്ല എന്നാണ് പുറത്തു വരുന്ന വിവരം.
https://www.facebook.com/Malayalivartha