മൻമോഹൻ സിംഗിന് പിന്തുണയുമായി ബി എസ് പി
രാജ്യസഭയിലേയ്ക്ക് മത്സരിക്കുന്ന മുന് പ്രധാനമന്ത്രി മന്മോഹന് സിംഗിന് ബഹുജന് സമാജ് പാര്ട്ടിയുടെ പിന്തുണ. രാജസ്ഥാന് ബഹുജന് സമാജ് പാര്ട്ടി നിയമസഭാ കക്ഷി നേതാവായ ലഖന് സിംഗാണ് കോണ്ഗ്രസ് സ്ഥാനാര്ഥി മന്മോഹന് സിംഗിന് പിന്തുണ നൽകി കൊണ്ടുള്ള വിവരം അറിയിച്ചത്. രാജസ്ഥാനില് നിന്നുമാണ് മന്മോഹന് സിംഗ് മത്സരിക്കുന്നത്. ഈ മാസം 13ന് മന്മോഹന് സിംഗ് നാമനിര്ദേശ പത്രിക സമര്പ്പിക്കും.
ബിജെപി സംസ്ഥാന അദ്ധ്യക്ഷനും രാജ്യസഭാ എംപിയുമായിരുന്ന മദന് ലാല് സൈനിയുടെ മരണത്തെ തുടര്ന്നാണ് രാജസ്ഥാന് സീറ്റ് ഒഴിഞ്ഞത്. ഇപ്പോൾ കോണ്ഗ്രസ്സിനാണ് രാജസ്ഥാനില് ഭരണം. അതിനാൽ മന്മോഹന് സിംഗ് തന്നെ ജയിക്കുമെന്നാണ് പ്രതീക്ഷ. 28 വര്ഷമായി അസമില് നിന്നുള്ള രാജ്യസഭാംഗമാണ് മന്മോഹന് സിംഗ്. മന്മോഹന് സിംഗ് തമിഴ്നാട്ടില് നിന്നും രാജ്യസഭയിലെത്തുമെന്ന് അഭ്യൂഹങ്ങൾ ഉണ്ടായിരുന്നു. എന്നാല് സഖ്യകക്ഷിയായ ഡിഎംക സീറ്റ് നല്കാത്തതിനാൽ തമിഴ്നാട്ടില് നിന്നും മന്മോഹന് സിംഗിന് സ്ഥാനാര്ത്ഥിയാകാൻ കഴിഞ്ഞില്ല.
https://www.facebook.com/Malayalivartha