സംസ്ഥാന സര്‍ക്കാരിനും മുഖ്യമന്ത്രിയ്ക്കുമെതിരെ ആഞ്ഞടിച്ച് കൊല്ലം എം.പി എന്‍.കെ പ്രേമചന്ദ്രന്‍. കേന്ദ്രത്തില്‍ നരേന്ദ്രമോദി സര്‍ക്കാര്‍ എന്താണോ ചെയ്യുന്നത് അതിനെ അനുകരിക്കുകയാണ് സംസ്ഥാന സര്‍ക്കാരെന്ന് എന്‍.കെ പ്രേമചന്ദ്രന്‍ കുറ്റപ്പെടുത്തി. സമ്പന്ന പ്രീണനം നടത്തുകയും അധോലോക താത്പര്യങ്ങള്‍ സംരക്ഷിക്കുകയും ചെയ്യുന്ന സര്‍ക്കാരാണ് കേരളത്തിലേതെന്നും എന്‍.കെ പ്രേമചന്ദ്രന്‍ അഭിപ്രായപ്പെട്ടു. നക്കാപ്പിച്ച വോട്ടുകള്‍ക്ക് വേണ്ടി സി.പി.ഐ.എം പ്രത്യയശാസ്ത്രപരമായ നയം ബലി കൊടുക്കുകയാണെന്നും പ്രേമചന്ദ്രന്‍ കുറ്റപ്പെടുത്തി. പാലാ ഉപതിരഞ്ഞെടുപ്പിൽ ജനങ്ങൾ ഇതിന് പ്രതികാരം ചെയ്യുമെന്നും അദ്ദേഹം വ്യക്തമാക്കി .