ദിവസം കഴിയും തോറും ബംഗാളിലെ രാഷ്ട്രീയ സാഹചര്യങ്ങള്‍ മാറി കൊണ്ടിരിക്കുകയാണ്. മുഖ്യമന്ത്രി മമത ബാനര്‍ജിയെ സംബന്ധിച്ച് ഈ മാറ്റങ്ങൾ കഠിനമായി കൊണ്ടിരിക്കുകയാണ്. ബിജെപിയെ സംസ്ഥാനത്ത് വാഴാൻ അനുവദിക്കില്ലെന്ന് ആത്മവിശ്വാസം പ്രകടിപ്പിച്ച മമതയ്ക്ക് ഓരോ ദിവസവും കനത്ത തിരിച്ചടിയാണ് നേരിടട്ടു കൊണ്ടിരിക്കുന്നത്.മമതയുടെ പാർട്ടിക്ക് ഒന്നുമില്ലാത്ത വിധം കാര്യങ്ങള്‍ പ്രതിസന്ധിയിലേക്കാണ് പോയി കൊണ്ടിരിക്കുന്നത്. ലോക്സഭ തിരഞ്ഞെടുപ്പ് പരാജയത്തിന് പിന്നാലെ പാര്‍ട്ടിയില്‍ നിന്ന് നിരവധി നേതാക്കള്‍ ബിജെപിയിലേക്ക് ചേർന്നിരുന്നു . ഇപ്പോള്‍ ഇതാ മമതയെ വിറപ്പിച്ച് കൊണ്ട് 8 എംഎല്‍എമാര്‍ ബിജെപിയിലേക്ക് ചേരുമെന്ന് വെല്ലുവിളിച്ചിരിക്കുകയാണ്. ബിജെപി സംസ്ഥാന അധ്യക്ഷന്‍ ദിലീപ് ഖോഷ്.

8 എംഎല്‍എമാര്‍ കൂടി ബിജെപിയില്‍ എത്തുമെന്നാണ് ബംഗാള്‍ ബിജെപി അധ്യക്ഷന്‍ വെളിപ്പെടുത്തിയിരിക്കുന്നത്. ഒരു പരിപാടിക്കിടെയാണ് ബിജെപി അധ്യക്ഷന്‍ ദിലീപ് ഖോഷ്. ഈ കാര്യം പറഞ്ഞത്. മുതിര്‍ന്ന തൃണമൂല്‍ നേതാവായ സഭ്യസാചി ദത്ത പ്രസിഡന്‍റായിരിക്കുന്ന ക്ലബില്‍ നടന്ന പരിപാടിയിലാണ് ദിലീപ് ഖോഷ് വന്നത്. സഭ്യസാചി ബിജെപിയിലേക്ക് പോകുമെന്ന അഭ്യൂഹങ്ങള്‍ വർധിപ്പിക്കുന്നതായിരുന്നു പരിപാടിയിലെ ദിലീപിന്‍റെ സാന്നിധ്യം. തൃണമൂല്‍ നേതൃത്വവുമായി കഴിഞ്ഞ കുറച്ച് നാളുകളായി സഭ്യസാചി അടുത്ത ബന്ധത്തിലല്ല ഉള്ളത് . നേരത്തേ അദ്ദേഹം ബിദാന്‍ നഗര്‍ മുനിസിപ്പില്‍ കോര്‍പ്പറേഷനിലെ മേയര്‍ സ്ഥാനം രാജിവെച്ചിരുന്നു. ദിവസവും തൃണമൂല്‍ നേതാക്കള്‍ ബിജെപിയിലേക്ക് ചേക്കേറുകയാണെന്നും 8 എംഎല്‍എമാര്‍ കൂടി ബിജെപിയില്‍ ചേരുമെന്നും അവര്‍ താനുമായി നിരന്തരം ബന്ധപ്പെട്ട് കൊണ്ടിരിക്കുകയാണെന്നും ദിലീപ് ഘോഷ് വ്യക്തമാക്കുകയുണ്ടായി.

ഇതിന് പിന്നാലെ ദിലീപ് ഘോഷിന് മറുപടിയുമായി തൃണമൂല്‍ കോണ്‍ഗ്രസ് വന്നിരുന്നു. ബിജെപിക്ക് സംസ്ഥാനത്ത് സാന്നിധ്യമുറപ്പിക്കാന്‍ കഴിയാത്തതിനാലാണ് തൃണമൂല്‍ നേതാക്കളെ ചാക്കിലാക്കുന്നതെന്നാണ് അവർ പറയുന്നത്. അങ്ങനെ സംസ്ഥാനത്ത് ആധിപത്യത്തിന് ശ്രമിക്കുകയാണ് ബി ജെ പിയെന്നും ജ്യോതിപ്രിയോ മുള്ളിക് പറഞ്ഞു . ലോക്സഭ തിരഞ്ഞെടുപ്പ് നടക്കുന്നതിന് മുന്നേ തന്നെ കോണ്‍ഗ്രസ്, സിപിഎം, തൃണമൂല്‍ പാര്‍ട്ടികളില്‍ നിന്നായി പല നേതാക്കൻമാരും അവരുടെ പാര്‍ട്ടി വിട്ട് ബിജെപിയിലേക്ക് പാഞ്ഞിരുന്നു. ബംഗാളിൽ വീണ്ടും നിയമസഭ തിരഞ്ഞെടുപ്പ് നടക്കാനിരിക്കവെ തൃണമൂല്‍ കോണ്‍ഗ്രസിലെ വിമത എം എല്‍ എമാരെയും നേതാക്കളേയും ബി ജെ പിയിലേക്ക് എത്തിക്കാനുള്ള കഠിനമായ പ്രയത്നം ബിജെപി നടത്തുന്നുണ്ട്. മമതയുമായി പിരിഞ്ഞ് ബിജെപിയില്‍ ചേർന്ന മുകുള്‍ റോയിയാണ് വിമതരെ ബിജെപിയില്‍ എത്തിക്കുന്ന പ്രവർത്തികൾക്ക് നേതൃത്വം കൊടുക്കുന്നത്. 2021ൽ നടക്കുന്ന സംസ്ഥാന നിയമസഭ തിരഞ്ഞെടുപ്പിൽ സംസ്ഥാന ഭരണം പിടിക്കുക എന്ന വലിയ ലക്ഷ്യമാണ് ബിജെപിക്ക് മുന്നിലുള്ളത്.