എൽഡിഎഫ് മുന്നേറുന്നത് ചിട്ടയായ പ്രവർത്തനം കൊണ്ടാണെന്ന് എൻഡിഎ സ്ഥാനാർത്ഥി എൻ ഹരി ; വോട്ട് മറിച്ചുവെന്ന ആരോപണവും തള്ളി
രാമപുരത്ത് എൽഡിഎഫിന് ബിജെപി വോട്ട് മറിച്ചു കൊടുത്തുവെന്ന ജോസ് ടോമിന്റെ ആരോപണത്തിന് മറുപടിയുമായി എൻഡിഎ സ്ഥാനാർത്ഥി എൻ ഹരി. ജോസ് ടോമിന്റെ ആരോപണം അദ്ദേഹം നിഷേധിച്ചു. എൽഡിഎഫ് മുന്നേറുന്നത് ചിട്ടയായ പ്രവർത്തനം കൊണ്ടാണെന്നും ബിജെപി വോട്ടുകൾ നഷ്ടപ്പെട്ടിട്ടില്ലെന്നും അദ്ദേഹം പറഞ്ഞു.
സിപിഎമ്മിന്റെ പാർട്ടി സംവിധാനങ്ങൾ രാമപുരത്ത് കൃത്യമായി പ്രവർത്തിച്ചുവെന്ന് എൻ ഹരി വിലയിരുത്തി. മന്ത്രിമാർ ഉൾപ്പെടെയുള്ളവർ എത്തുകയും വിവിധ മേഖലകളിലുള്ള ആളുകളെ കാണുകയും പ്രചാരണം നടത്തുകയും ചെയ്തുവെന്ന് അദ്ദേഹം പറഞ്ഞു . ഇതിന്റെ ഫലമായി നിക്ഷ്പക്ഷ വോട്ടുകൾ ഇടത് പക്ഷം സ്വന്തമാക്കി.ഇത് എൽ ഡി എഫിന് രാമപുരത്തെ ലീഡിലേക്ക് നയിച്ചു. എന്നാൽ ബിജെപിയുടെ വോട്ടുകൾ ചോരുകയുണ്ടായില്ല. വോട്ട് മറിച്ച് നൽകുകയോ ചെയ്തിട്ടില്ലെന്നും എൻ ഹരി എടുത്തു പറഞ്ഞു.
https://www.facebook.com/Malayalivartha