ബിരുദധാരികൾക്ക് കേന്ദ്ര സേനകളിൽ ഇന്സ്പെക്ടറാകാം; 29200 - 92300 രൂപ വരെ ശമ്പളം; അപേക്ഷിക്കേണ്ടുന്ന അവസാന തീയതി ഒക്ടോബര് 16
ബിരുദധാരികള്ക്ക് കേന്ദ്രസേനകളില് ഇന്സ്പെക്ടറാകാം . സബ് ഇന്സ്പെക്ടര് (എസ്.ഐ.), അസിസ്റ്റന്റ് സബ് ഇന്സ്പെക്ടര് (എ.എസ്.ഐ.) തസ്തികകളിലേക്ക് സ്റ്റാഫ് സെലക്ഷന് കമ്മിഷന് അപേക്ഷകൾ ക്ഷണിച്ചിരിക്കുന്നു . സി.ആര്.പി.എഫ്., ബി.എസ്.എഫ്., ഐ.ടി.ബി.പി., സി.ഐ.എസ്.എഫ്., എസ്.എസ്.ബി., ഡല്ഹി പോലീസ് എന്നിവയിലാണ് എസ്.ഐ. ഒഴിവുകളുള്ളത്. സി.ഐ.എസ്.എഫില് എ.എസ്.ഐ. ഒഴിവുകളുള്ളത് . ഒഴിവുകളുടെ എണ്ണം തിട്ടപ്പെടുത്തിയിട്ടില്ല. സ്ത്രീകൾക്കും അപേക്ഷിക്കാം. രണ്ട് ഘട്ടങ്ങളിലായി നടക്കുന്ന എഴുത്തുപരീക്ഷ, ശാരീരികക്ഷമതാ പരിശോധന, വൈദ്യപരിശോധന, അഭിമുഖം എന്നിവയുടെ അടിസ്ഥാനത്തിലാണ് തിരഞ്ഞെടുപ്പ് നടക്കുക. അപേക്ഷർകർക്ക് വേണ്ടുന്ന യോഗ്യത. ഏതെങ്കിലും വിഷയത്തില് ബിരുദം നേടിയിരിക്കണം. ഡല്ഹി പോലീസ് എസ്.ഐ. തസ്തികയിലേക്ക് അപേക്ഷിക്കുന്ന പുരുഷന്മാര്ക്ക് എല്.എം.വി. (കാര്, മോട്ടോര് സൈക്കിള്) ഡ്രൈവിങ് ലൈസന്സ് ഉണ്ടായിരിക്കണം. ശാരീരിക യോഗ്യത: പുരുഷന്മാര്ക്ക് ഉയരം 170 സെ.മീ., നെഞ്ചളവ് 80-85 സെ.മീ. എസ്.ടി. വിഭാഗക്കാര്ക്ക് ഉയരം 162.5 സെ.മീ., നെഞ്ചളവ് 77-82 സെ.മീ. സ്ത്രീകള്ക്ക് ഉയരം 157 സെ.മീ., എസ്.ടി. വിഭാഗക്കാര്ക്ക് 154 സെ.മീ. പ്രായം: 01.01.2020-ന് 20-25 വയസ്സ്. നിയമാനുസൃത ഇളവ് അനുവദിക്കും. അപേക്ഷകർക്ക് കണ്ണടയുടെ സഹായമില്ലാതെ മികച്ച കാഴ്ച്ച ശക്തി ഉണ്ടായിരിക്കണം.
അപേക്ഷകരുടെ പ്രായപരിധി ; 1.1 .2020ന് 20 -25 വയസ്സ് . എസ് സി എസ് ടി വിഭാഗക്കാർക്ക് അഞ്ചും ഒ .ബി സിക്കാർക്ക് മൂന്നും വര്ഷം വയസ്സു ഇളവ് അനുവദിക്കും. വിധവകൾക്കും വിവാഹ മോചനം നേടി നീണ്ടും വിവാഹം കഴിയാത്ത സ്ത്രീകൾക്കും 35 വയസ്സ് വരെ അപേക്ഷിക്കാം. അപേക്ഷ ഫീസ് 100 രൂപയാണ്. എസ് സി എസ് ടി/ വിമുക്ത ഭടർ വനിതകൾ എന്നിവർക്ക് ഫീസ് അടയ്ക്കേണ്ടതില്ല. എസ് ബി ഐയുടെ നെറ്റ് ബാങ്കിങ് സൗകര്യം ഉപയോഗിച്ചും ഭീം / യു .പി. ഐ ,ക്രെഡിറ്റ് കാർഡ് / ഡെബിറ്റ് കാർഡ് ഉപയോഗിച്ചും ഫീസടയ്ക്കാം. ശമ്പളം സബ് ഇന്സ്പെക്ടര് (ജിഡി), സിഎപിഎഫ്: 35400 - 112400 രൂപ. സബ് ഇന്സ്പെക്ടര് (എക്സിക്യൂട്ടിവ്) - ഡല്ഹി പോലീസ്: 35400 - 112400 രൂപ. അസിസ്റ്റന്റ് സബ് ഇന്സ്പെക്ടര് - സി.ഐ.എസ്.എഫ്: 29200 - 92300 രൂപ. പരീക്ഷ: ജനറല് ഇന്റലിജന്സ് ആന്ഡ് റീസണിങ്, ജനറല് അവേര്നസ്, ക്വാണ്ടിറ്റേറ്റീവ് ആപ്റ്റിറ്റിയൂഡ്, ഇംഗ്ലീഷ് കോംപ്രിഹെന്ഷന് എന്നിവയുള്പ്പെടുന്നതാണ് പേപ്പര് I. പേപ്പര് II ഇംഗ്ലീഷ് ലാംഗ്വേജ് ആന്ഡ് കോംപ്രിഹെന്ഷന്. അപേക്ഷിക്കേണ്ടന്ന അവസാന തീയതി: ഒക്ടോബര് 16. കൂടുതല് വിവരങ്ങള്ക്ക് www.ssc.nic.in എന്ന വെബ്സൈറ്റില് പ്രസിദ്ധീകരിച്ചിട്ടുള്ള വിജ്ഞാപനം കാണുക.
https://www.facebook.com/Malayalivartha