പാലായിലെ തോല്വിക്ക് കാരണം കേരള കോണ്ഗ്രസിലെ തമ്മിലടിയെന്ന വാദം തള്ളി പി.ജെ ജോസഫ്
പാലാ ഉപതെരഞ്ഞെടുപ്പിൽ കേരള കോൺഗ്രസ് ആദ്യ പരാജയം ഏറ്റു വാങ്ങാൻ കാരണം തമ്മിലടിയാണെന്ന അഭിപ്രായത്തെ തള്ളി പി ജെ ജോസഫ്. കേരള കോണ്ഗ്രസിലെ തമ്മിലടിയാണ് തിരഞ്ഞെടുപ്പില് തിരിച്ചടിയായതെന്ന് യുഡിഎഫ് നേതാക്കൾ വിലയിരുത്തിയിരുന്നു.ഇരുവിഭാഗത്തേയും യു ഡി എഫ് കുറ്റപ്പെടുത്തുന്നത് ശരിയല്ലെന്നും തോല്വിക്ക് യഥാര്ഥ ഉത്തരവാദി ആരാണെന്നത് കണ്ടത്തേണ്ടുന്ന ആവശ്യമുണ്ടെന്നും അദ്ദേഹം പറഞ്ഞു.
ചിഹ്നത്തിന്റെ പ്രാധാന്യം എന്താണ് എന്ന് മനസിലാക്കാൻ പോലും ജോസ് കെ മാണി തയ്യാറായില്ലെന്നും ധാര്ഷ്ട്യം മാറ്റിയാല് ജോസ് കെ മാണിക്ക് പാര്ട്ടിയിലേക്ക് തിരിച്ചുവരാമെന്നും അദ്ദേഹം പറഞ്ഞു. കൂടാതെ എന് ജയരാജും റോഷി അഗസ്റ്റിനും തിരിച്ചു വരണമെന്ന ആവശ്യവും ജോസഫ് ഉയർത്തി.
https://www.facebook.com/Malayalivartha