സുരേന്ദ്രന് കോളടിച്ചല്ലോ; ബിജെപി സംസ്ഥാന അധ്യക്ഷനാകാൻ സാധ്യത; കെ സുരേന്ദ്രനും എം ടി രമേശും പരിഗണനാപ്പട്ടികയിൽ മുൻപന്തിയിൽ
ബിജെപി സംസ്ഥാന പ്രസിഡന്റ് പി എസ് ശ്രീധരന് പിള്ളയെ മിസോറാം ഗവര്ണറായി നിയമിച്ചതോടെ ബിജെപി സംസ്ഥാന അധ്യക്ഷൻ ആരായിരിക്കും എന്ന ചോദ്യമായിരുന്നു നിന്നിരുന്നത്. ബിജെപി ജനറൽ സെക്രട്ടറി കെ സുരേന്ദ്രനെ ബിജെപി സംസ്ഥാന അധ്യക്ഷനാക്കാൻ തീരുമാനിക്കുന്നതായി സൂചന. ബിജെപി തന്നെയാണ് ഇത് സംബന്ധിച്ച സൂചന നൽകിയത്. സംസ്ഥാന ബിജെപി, ആർഎസ്എസ് നേതാക്കളുമായി ദേശീയ നേതൃത്വം ചർച്ച നടത്തിയിട്ടുണ്ട്.
ബിജെപി ദേശീയ സംഘടനാ സെക്രട്ടറി ബി എൽ സന്തോഷ്, ആർഎസ്എസ് സഹ ജനറൽ സെക്രട്ടറി കൃഷ്ണ ഗോപാൽ എന്നിവരാണ് ചർച്ചയ്ക്ക് നേതൃത്വം നൽകിയത്. സുരേന്ദ്രനെ സംസ്ഥാന അധ്യക്ഷനാക്കാൻ വേണ്ടി ശക്തമായ ചർച്ചകൾ നടക്കുന്നുണ്ട്. സംസ്ഥാന അധ്യക്ഷന്റെ കാലാവധി അടുത്ത മാസം തീരാനിരിക്കെ ആണ് ശ്രീധരൻ പിള്ളയെ ഗവര്ണറായി നിയമിച്ചത്. രാഷ്ട്രപതി രാം നാഥ് കോവിന്ദ് ആണ് ഇതുസംബന്ധിച്ച ഉത്തരവ് പുറത്തിറക്കിയത്. ബിജെപി സംസ്ഥാന അധ്യക്ഷ സ്ഥാനത്തിനായി ചരടുവലിക്കില്ലെന്ന് കുമ്മനം രാജശേഖരന് പറഞ്ഞിരുന്നു. ബിജെപി സംസ്ഥാന അധ്യക്ഷന്റെ സ്ഥാനത്തേക്ക് കെ സുരേന്ദ്രനും എം ടി രമേശുമാണ് പട്ടികയിൽ മുന്നിലുള്ളത്. ഉപതിരഞ്ഞെടുപ്പിൽ കേരളത്തിൽ ദയനീയ പരാജയമായിരുന്നു ബിജെപിയ്ക്ക്.
https://www.facebook.com/Malayalivartha