ജനങ്ങള്ക്കും പാര്ട്ടിക്കും താല്പര്യമുള്ള വ്യക്തി അധ്യക്ഷനാകും; നല്ല കളിക്കാർ ഞങ്ങളുടെ കൂടെയുണ്ട്.... കളി തുടങ്ങുന്നതേയുള്ളു.. മുന്നറിയിപ്പുമായി ശോഭ സുരേന്ദ്രന്
ബിജെപി സംസ്ഥാന പ്രസിഡന്റ് പി എസ് ശ്രീധരന് പിള്ളയെ മിസോറാം ഗവര്ണറായി നിയമിച്ചതോടെ ബിജെപി സംസ്ഥാന അധ്യക്ഷൻ ആരായിരിക്കും എന്ന ചോദ്യമാണ് ഇപ്പോൾ നിലവിലുള്ളത്. ആ ചോദ്യങ്ങൾക്ക് ഉത്തരം നൽകി ബി.ജെ.പി സംസ്ഥാന ജനറല് സെക്രട്ടറി ശോഭ സുരേന്ദ്രന്. എന്നാൽ ആരായിരിക്കും എന്നത് സൂചന നൽകിയിട്ടില്ല. പക്ഷെ ജനങ്ങള്ക്കും പാര്ട്ടിക്കും താല്പര്യമുള്ള ഒരു വ്യക്തിയായിരിക്കും അദ്ധ്യക്ഷ സ്ഥാനത്തേക്ക് വരുന്നതെന്ന് ശോഭ സുരേന്ദ്രന്.
ഈ സ്ഥാനത്തേക്ക് വരാൻ കഴിയുന്ന നിരവധി പേർ പാർട്ടിയിൽ ഉണ്ട്. സമയമാകുമ്പോൾ ആ വ്യക്തി അദ്ധ്യക്ഷസ്ഥാനത്തേക്ക് വരും. ക്യാപ്റ്റനോടൊപ്പം പ്രവർത്തിക്കാൻ കഴിയുന്ന മികച്ച കളിക്കാർ പർട്ടിയിൽ ഉണ്ട്. ഞങ്ങള് അടിക്കുന്ന ഗോളുകൾ തടുക്കാൻ ശക്തിയുള്ള ഒരു യുവനിര പ്രതിപക്ഷത്ത് കാണാന് സാധിക്കില്ല. കളി തുടങ്ങുന്നതേയുള്ളുവെന്നും ശോഭ വ്യക്തമാക്കി. അതോടൊപ്പം തന്നെ ബിജെപി ജനറൽ സെക്രട്ടറി കെ സുരേന്ദ്രനെ ബിജെപി സംസ്ഥാന അധ്യക്ഷനാക്കാൻ തീരുമാനിക്കുന്നതായി സൂചനയുണ്ട്. ബിജെപി തന്നെയാണ് ഇത് സംബന്ധിച്ച സൂചന നൽകിയത്. സംസ്ഥാന ബിജെപി, ആർഎസ്എസ് നേതാക്കളുമായി ദേശീയ നേതൃത്വം ചർച്ച നടത്തി. ബിജെപി ദേശീയ സംഘടനാ സെക്രട്ടറി ബി എൽ സന്തോഷ്, ആർഎസ്എസ് സഹ ജനറൽ സെക്രട്ടറി കൃഷ്ണ ഗോപാൽ എന്നിവരാണ് ചർച്ചയ്ക്ക് നേതൃത്വം നൽകിയത്. സുരേന്ദ്രനെ സംസ്ഥാന അധ്യക്ഷനാക്കാൻ വേണ്ടി ശക്തമായ ചർച്ചകൾ നടക്കുന്നുണ്ട്.
https://www.facebook.com/Malayalivartha