കൊച്ചി മേയര്‍ സൗമിനി ജെയിനെതിരെ ഹൈബി ഈഡൻ ഫേസ്ബുക്കിൽ ഇട്ട പോസ്റ്റ് വിവാദമായതോടെ പിൻവലിച്ചു. 'ഇത് കോണ്‍ഗ്രസാണ് സഹോദരി… തേവര കോളജിലെ പഴയ എസ്‌എഫ്‌ഐക്കാരിക്ക് 9 വര്‍ഷം മതിയാവില്ല ഇന്ത്യന്‍ നാഷണന്‍ കോണ്‍ഗ്രസിന്റെ സംസ്‌കാരവും ചരിത്രവും പഠിക്കാന്‍. ഫാസിസം എസ്‌എഫ്‌ഐയിലേ നടക്കൂ, ഇത് കോണ്‍ഗ്രസാണ്' എന്നായിരുന്നു ഹൈബിയുടെ പോസ്റ്റ്. ഇന്നലെ ഈ പോസ്റ്റ് വിവാദമായിരുന്നു.

നേരത്തെയും ഹൈബി ഈഡൻ സൗമിനി ജെയിനെതിരെ വിമർശനം ഉന്നയിച്ചിരുന്നു. കൊച്ചിയിലെ വെള്ളക്കെട്ടുമായി ബന്ധപ്പെട്ട് പൊതുജനത്തിന്റെ വികാരം മനസ്സിലാക്കുന്നതില്‍ നഗരസഭ സമ്ബൂര്‍ണ പരാജയമായിരുന്നുവെന്ന് അദ്ദേഹം പറഞ്ഞിരുന്നു. ഇത് ഉപതെഞ്ഞെടുപ്പിൽ പ്രതിഫലിച്ചെന്നും കുറ്റപ്പെടുത്തിയിരുന്നു. മാത്രമല്ല മേയര്‍ സ്ഥാനത്ത് സൗമിനി തുടരണോയെന്ന് പാര്‍ട്ടി തീരുമാനിക്കണമെന്നും ഹൈബി ആവശ്യപ്പെട്ടിരുന്നു. എറണാകുളം മണ്ഡലത്തില്‍ കോണ്‍ഗ്രസ് സ്ഥാനാര്‍ഥിക്ക് ഭൂരിപക്ഷം കുറഞ്ഞതിനു കാരണം കോര്‍പറേഷന്‍ ഭരണത്തിലെ വീഴ്ചകളാണെന്നായിരുന്നു ഹൈബി പറഞ്ഞിട്ടുണ്ടായിരുന്നു. ഇതിന് പിന്നാലെ സൗമിനിയുടെ രാജിക്കായി പിടിവലി നടക്കുകയായിരുന്നു.