നിയമങ്ങളെല്ലാം സ്ത്രീകളെ മാത്രം സംരക്ഷിക്കുന്ന തരത്തിൽ; രാജ്യത്ത് സ്ത്രീകള്‍ അഴിഞ്ഞാടുന്നു; പുരുഷന്‍മാര്‍ക്ക് ജീവിക്കാന്‍ പറ്റാത്ത അവസ്ഥ; വിവാദ പരാമർശങ്ങളുമായി പി സി ജോർജ്
രാജ്യത്ത് സ്ത്രീകള്‍ അഴിഞ്ഞാടുകയാണെന്ന വിവാദ പരാമർശവുമായി പി സി ജോർജ്. പുരുഷന്‍മാര്‍ അരക്ഷിതരാണെന്നും അദ്ദേഹം പരാമര്‍ശം നിയമസഭയില്‍ പറഞ്ഞു. ഈ പരാമർശം വലിയ ബഹളത്തിന് കാരണമായി. ജോര്‍ജിന്‍റെ പരാമര്‍ശനത്തിന് എതിരെ ഇഎസ് ബിജിമോളുടെ നേതൃത്വത്തില്‍ വനിത എംഎല്‍എമാര്‍ പ്രതിഷേധിക്കുകയുണ്ടായി.
അംഗനവാടികളിലെ ആശവര്‍ക്കമാരുടെ വേതനം വർധിപ്പിക്കുന്ന കാര്യം ചര്‍ച്ച ചെയ്യുന്ന വേളയിലായിരുന്നു പിസി ജോര്‍ജ് വിവാദപരാമര്‍ശം നടത്തിയത്. പുരുഷന്‍മാര്‍ക്ക് ജീവിക്കാന്‍ പറ്റാത്ത അവസ്ഥയാണ്‌. നിയമങ്ങളെല്ലാം സ്ത്രീകളെ മാത്രം സംരക്ഷിക്കുന്ന തരത്തിലാണെന്നും പിസി ജോര്‍ജ് ആരോപിച്ചു. രാജ്യത്ത് സ്ത്രീകള്‍ അഴിഞ്ഞാടുകയാണെന്നും പുരുഷന്‍മാരുടെ സംരക്ഷണത്തിനായി നിയമം വേണമെന്നും അദ്ദേഹം ആവശ്യപ്പെടുകയുണ്ടായി. ഭരണപക്ഷത്തുള്ള ഇഎസ് ബിജിമോള്‍ എംഎല്‍എ അടക്കമുള്ളവര്‍ ശക്തമായ പ്രതിഷേധം ഉയര്‍ത്തി രംഗത്തു വന്നു.
https://www.facebook.com/Malayalivartha
