പിസി ജോര്‍ജിനെതിരെ ആരോപണവുമായി ഇഎസ് ബിജിമോള്‍ എംഎല്‍എ അടക്കമുള്ള വനിതാ എം എൽ എമാർ രംഗത്ത്. ശക്തമായ പ്രതിഷേധമാണ് ഇവർ ഉയര്‍ത്തിയിരിക്കുന്നത്. പിസി ജോര്‍ജിന്‍റെ പരാമര്‍ശങ്ങളെല്ലാം സ്ത്രീകളെയാകെ അപമാനിക്കുന്നതാണ്. ആ വാക്കുകള്‍ സഭാ രേഖയില്‍ ഉണ്ടാവാന്‍ പാടില്ലായിരുന്നുവെന്നും ബിജിമോള്‍ പറഞ്ഞു.

ബിജിമോള്‍ക്ക് പിന്നാലെ യു.പ്രതിഭ അടക്കമുള്ള എംഎല്‍എമാരും ജോര്‍ജിനെതിരെ പ്രതിഷേധവുമായി വന്നിരുന്നു. ഒടുവില്‍ വിഷയത്തില്‍ സ്പീക്കര്‍ ഇടപെട്ടു. രാജ്യത്ത് സ്ത്രീകള്‍ അഴിഞ്ഞാടുകയാണ് എന്ന പരാമര്‍ശം ജോര്‍ജ് നടത്തിയിരുന്നു. മാത്രമല്ല പുരുഷന്മാർക്ക് ജീവിക്കാൻ പറ്റാത്ത അവസ്ഥയാണെന്നും അദ്ദേഹം പറഞ്ഞു . സ്ത്രീകള്‍ അഴിഞ്ഞാടുകയാണ്എന്ന പരാമർശം അദ്ദേഹം പിൻവലിച്ചു. ന്നാല്‍ രാജ്യത്തെ പുരുഷന്‍മാര്‍ അരക്ഷിതരാണ് എന്ന വാദത്തില്‍ അദ്ദേഹം ഉറച്ചു നിന്നു.