തമിഴ്നാട്ടിൽ സ്റ്റൈൽ മന്നനും ഉലകനായകനും ഒന്നിക്കുന്നോ ? സഖ്യത്തിന് മടിയില്ലെന്ന് കമൽഹാസനും രജിനികാന്തും !
തമിഴ്നാട്ടിൽ സ്റ്റൈൽ മന്നനും ഉലകനായകനും ഒന്നിക്കുന്നു എന്നതരത്തിലുള്ള സൂചന ആണ് പുറത്ത് വരുന്നത് . രജിനികാന്തുമായി കൈകോർക്കാൻ മടിയില്ലെന്ന സൂചന നൽകി കമൽഹാസൻ രംഗത്തെത്തി കഴിഞ്ഞു. ജനനന്മയ്ക്കായി, തമിഴ്നാട്ടിലെ ജനതയ്ക്കായി കൈകോർക്കാൻ മടിക്കില്ലെന്ന കമൽഹാസന്‍റെ പ്രസ്താവന തമിഴ്നാട്ടിൽ വലിയ ചർച്ചകൾക്ക് വഴിതെളിയിച്ചു. എന്നാൽ രജിനികാന്ത് കുറച്ചുകൂടി വ്യക്തമായ പ്രസ്താവനയാണ് നടത്തിയത്. ''ജനങ്ങളുടെ നന്മയ്ക്കായി കമൽഹാസനുമായി സഖ്യം ചേരണമെങ്കിൽ തീർച്ചയായും അത് ചെയ്യുമെന്ന്'', രജിനി പറഞ്ഞു.
നവംബർ 17-ന് 'ഉങ്കൾ നാൻ' എന്ന ആഘോഷപരിപാടിയിൽ, നടൻ വിജയുടെ അച്ഛൻ എസ് എ ചന്ദ്രശേഖർ ഇരുവരും ഒന്നിച്ച് രാഷ്ട്രീയത്തിൽ വരണമെന്ന് ആവശ്യപ്പെട്ടിരുന്നതാണ്. ''നിങ്ങൾ സ്വന്തം പാർട്ടിയുണ്ടാക്കണം. അധികാരത്തിൽ വരണം. അഴിമതി തുടച്ചുനീക്കണം. ചെയ്യാനുള്ള ജോലി ചെയ്തെന്നും വഴി മാറണമെന്നും തോന്നിയാൽ നിങ്ങളുടെ സഹോദരൻമാർക്കായി വഴിമാറണം'', എസ് എ ചന്ദ്രശേഖർ പറഞ്ഞു. സ്വന്തം മകൻ രാഷ്ട്രീയത്തിൽ വരുമെന്നും, വരണമെന്നും നിരവധി തവണ പറഞ്ഞയാളാണ് ചന്ദ്രശേഖർ എന്നതും ശ്രദ്ധേയം ആണ് . എന്തായാലും കമൽ രജനി കൂട്ട്കെട്ടിനായി കാത്തിരിക്കുകയാണ് തമിഴ് മക്കൾ.
https://www.facebook.com/Malayalivartha
