ലൈഫ് മിഷന് അഴിമതി വി.മുരളീധരന്റെ പോസ്റ്റ്. മുഖ്യന് കളങ്കിതന് അല്ലെങ്കില് മണ്ടനെന്ന്.
മുഖ്യമന്ത്രി പിണറായി വിജയന്റെ മനസാക്ഷി സൂക്ഷിപ്പുകാരനായ എം.ശിവശങ്കറിനെ രണ്ടാം വട്ടവും അറസ്റ്റ് ചെയ്തതോടെ വലിയ അഴിമതിയുടെ ഞെട്ടിക്കുന്ന വിവരങ്ങളാണ് പുറത്തു വരുന്നത്. ശിവങ്കര് മുഖ്യമന്ത്രിയുടെ കസേരയ്ക്ക് സമീപമിരുന്ന് അഴിമതികളുടെ ചവറ്റുകൊട്ടിയിലേയ്ക്കാണ് സഞ്ചരിച്ചു കൊണ്ടിരുന്നത്. ശിവശങ്കര് ലൈഫ് മിഷന് അഴിമതിയിലൂടെ നേടിയ പണം ആര്ക്കൊക്കെ വീതിച്ചു കൊടുത്തു എന്നതറിയണണെങ്കില് സിബി ഐ അന്വേഷണം കൂടിയേ തീരു എന്ന നിലപാടിലാണ് പ്രതിപക്ഷവും ബിജെപിയും. എന്നാല് സിബി ഐ എത്താതിരിക്കാന് സിപിഎം എല്ലാ അടവുകളും പ്രയോഗിക്കുകയാണ്. ശിവശങ്കറിന്റെ അറസ്റ്റുമായി ബന്ധപ്പെട്ട് ബിജെപി നേതാവും കേന്ദ്രമന്ത്രിയുമായ വി.മുരളീധരന്റെ ഫെയ്സ് ബുക്ക് പോസ്റ്റാണ് ഇപ്പോള് വൈറലായിരിക്കുന്നത്.
ലൈഫ് മിഷന് കേസിലെ ഇ.ഡി.നടപടി അഴിമതിക്കും കള്ളപ്പണത്തിനും എതിരായ മോദി സര്ക്കാരിന്റെ നിലപാട് വ്യക്തമാക്കുന്നതാണെന്ന് കേന്ദ്ര മന്ത്രി വി.മുരളീധരന്. മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം.ശിവശങ്കറിന്റെ അറസ്റ്റ് ചില കാര്യങ്ങള് കൂടി വ്യക്തമാക്കുന്നുണ്ടെന്ന് മുരളീധരന് പറഞ്ഞു. കേസില് ഒന്നുകില് പിണറായി വിജയന് പങ്കുണ്ട് അല്ലെങ്കില് പമ്പര വിഡ്ഢിയും കഴിവുകെട്ടവനുമാണ് മുഖ്യമന്ത്രിയെന്നും മുരളീധരന് ഫെയ്സ്ബുക്കിലൂടെയുള്ള പ്രതികരണത്തില് പറഞ്ഞു.
'എം.ശിവശങ്കറിന്റെ അറസ്റ്റ് ചിലകാര്യങ്ങള് കൂടി വ്യക്തമാക്കുന്നു. ഒന്നുകില് തന്റെ വിശ്വസ്ഥന്റെ നേതൃത്വത്തില് നടന്ന ഈ കോഴ ഇടപാടില് പിണറായി വിജയനും പങ്കുണ്ട്...അല്ലെങ്കില് തന്റെ സര്ക്കാരിന് കീഴില് നടക്കുന്ന കാര്യങ്ങളെക്കുറിച്ചൊന്നും അറിയാത്ത പമ്പരവിഡ്ഢിയും കഴിവുകെട്ടവനുമായ ഭരണാധികാരിയാണ് പിണറായി വിജയന്' വി.മുരളീധരന് ഫെയ്സ്ബുക്കില് കുറിച്ചു.
പോസ്റ്റിന്റെ പൂര്ണ്ണരൂപം...
ലൈഫ് മിഷന് കേസിലെ ഇഡി നടപടി കേന്ദ്രഏജന്സികളുടെ വിശ്വാസ്യത അരക്കിട്ടുറപ്പിക്കുന്നതാണ് .....
അഴിമതിയും കള്ളപ്പണ ഇടപാടും നടത്തുന്നവര് എത്ര ഉന്നതരായാലും അഴിയെണ്ണും എന്ന നരേന്ദ്രമോദി സര്ക്കാരിന്റെ നിലപാട് വ്യക്തമാക്കുന്ന നടപടി.....
'കേസ് എവിടെപ്പോയി, ഇടനിലക്കാര് ധാരണയാക്കിയില്ലേ' എന്ന് ചോദിച്ചവര്ക്ക് ഇപ്പോള് ഉത്തരമായി എന്ന് കരുതുന്നു. ഒന്നും അവസാനിച്ചിട്ടില്ല..!
എം.ശിവശങ്കറിന്റെ അറസ്റ്റ് ചിലകാര്യങ്ങള് കൂടി വ്യക്തമാക്കുന്നു.....
ഒന്നുകില് തന്റെ വിശ്വസ്ഥന്റെ നേതൃത്വത്തില് നടന്ന ഈ കോഴ ഇടപാടില് പിണറായി വിജയനും പങ്കുണ്ട്...
അല്ലെങ്കില് തന്റെ സര്ക്കാരിന് കീഴില് നടക്കുന്ന കാര്യങ്ങളെക്കുറിച്ചൊന്നും അറിയാത്ത പമ്പരവിഡ്ഢിയും കഴിവുകെട്ടവനുമായ ഭരണാധികാരിയാണ് പിണറായി വിജയന്.....!
എന്തിനാണ് കേസ് വന്നയുടന് വിജിലന്സിനെ ഉപയോഗിച്ച് ഫയല് പിടിച്ചെടുത്തത് ?
ആ ഫയലുകള് ഇനിയും സിബിഐയ്ക്ക് കൈമാറാത്തത് ?
ഉത്തരങ്ങള് വരട്ടെ ,വന് സ്രാവുകള്ക്ക് വലയൊരുങ്ങട്ടെ......
സത്യമേവ ജയതേ !
ലൈഫ് മിഷന് കേസില് ശിവശങ്കറിന്റെ അറസ്റ്റ് രേഖപ്പെടുത്തിയ പത്രവാര്ത്ത ഉള്പ്പടെയാണ് അദ്ദേഹം പോസ്റ്റ് ചെയ്തിരിക്കുന്നത്. എന്തു കൊണ്ട് പിണറായി വിജയന് എം.ശിവങ്കറിനെ ഇത്ര കാലം വാഴിച്ചുവെന്നാണ് ചോദിക്കുന്നത്. സിപിഎം പലതവണ ശിവശങ്കറിന്റെ പ്രവര്ത്തനത്തെ വിമര്ശിക്കുകയും അദ്ദേഹത്തെ ആ സ്ഥാനത്ത് നിന്ന് മാറ്റണമെന്നും ആവശ്യപ്പെട്ടിട്ടും മുഖ്യമന്ത്രി തന്റെ വിശ്വസ്ഥനെന്ന നിലയില് സെക്രട്ടറിയേറ്റില് അദ്ദേഹത്തിനടുത്ത് ഇരുത്തിയിരിക്കുകയായിരുന്നു.
കേരളത്തില് നാളിതുവരെയും ഉന്നത ഉദ്യോഗസ്ഥനെതിരെ ഇത്രയും നാണം കെട്ട അഴിമതി കഥകള് പുറത്തു വന്നിട്ടില്ല. ശിവശങ്കറിന് പിന്നാലെ മുഖ്യനേയും കേന്ദ്ര ഏജന്സികള് ചോദ്യം ചെയ്യേണ്ടതാണ്. ഇതൊന്നും അറിയാതെ അദ്ദേഹം ഇത്രയും കാലം ആ കസേരയില് ഇരുന്നു എന്നുള്ളത് അതിശയമാണെന്നാണ് മുരളീധരന് പറയുന്നത്. എന്തായാലും കേന്ദ്ര ഏജന്സികള് സഞ്ചരിക്കുന്നത് നേരായ വഴിക്കാണെന്ന് ഇപ്പോള് പൊതുജനത്തിനും ബോധ്യം വന്നിട്ടുണ്ട്. ഇടതുപക്ഷം നടത്തുന്ന അഴിമതികള് ഓരോന്നായി പുറത്തു വരാനിരിക്കുന്നതേയുള്ളൂ എന്നാണ് അദ്ദേഹം പറയുന്നത്.
https://www.facebook.com/Malayalivartha
