സ്വപ്നയുടെ വെളിപ്പെടുത്തലില് ഗോവിന്ദന് മറുപടി പറയണം; 30 കോടി കൊടുക്കാന് പ്രേരിപ്പിച്ച തെളിവെന്ത്?'
സ്വര്ണക്കടത്തുകേസ് പ്രതി സ്വപ്ന സുരേഷിന്റെ വെളിപ്പെടുത്തലില് സിപിഎം സംസ്ഥാന സെക്രട്ടറി എം.വി.ഗോവിന്ദന് മറുപടി പറയണമെന്ന് ബിജെപി സംസ്ഥാന സെക്രട്ടറി കെ.സുരേന്ദ്രന്. ആരാണ് വിജയ് പിള്ള? എന്താണ് 30 കോടി കൊടുക്കാന് പ്രേരിപ്പിച്ച തെളിവ്? എം.വി.ഗോവിന്ദന്റെ പേര് പലതവണയായി പറയുന്നു.
മുഖ്യമന്ത്രിക്ക് മാത്രമല്ല, പാര്ട്ടിക്കും പങ്കുണ്ടെന്ന് സ്വര്ണക്കടത്ത് കേസിലെ പ്രധാന പ്രതിയായാണ് വെളിപ്പെടുത്തിയിരിക്കുന്നത്. സ്വപ്ന മുന്പു പറഞ്ഞത് പലതും സ്ഥിരീകരിച്ചിട്ടുണ്ട്. ആര്, എന്തിനയച്ചു എന്ന കാര്യങ്ങള് അന്വേഷിക്കണം. എല്ലാത്തിനും എം.വി.ഗോവിന്ദന് മറുപടി പറണമെന്നും സുരേന്ദ്രന് ആവശ്യപ്പെട്ടു.
വിജയ് പിള്ള എന്ന ഇടനിലക്കാരനെ വച്ച് സ്വര്ണക്കടത്ത് കേസില് സിപിഎം സംസ്ഥാന ഹസെക്രട്ടറി എം.വി.ഗോവിന്ദനടക്കം ഇടപെട്ട് ഒത്തുതീര്പ്പിന് ശ്രമിച്ചെന്ന ആരോപണമാണ് സ്വപ്ന ഉന്നയിക്കുന്നത്. മുഖ്യമന്ത്രിക്കും കുടുംബത്തിനും എതിരായ ആരോപണങ്ങള് പിന്വലിച്ച് കേരളം വിടുന്നതിന് ഇടനിലക്കാര് 30 കോടി വാഗ്ദാനം ചെയ്തുവെന്നാണ് സ്വപ്ന പറഞ്ഞത്.
https://www.facebook.com/Malayalivartha