മുഖ്യമന്ത്രി ജുഡീഷ്യൽ അന്വേഷണത്തിന് ഉത്തരവിടണം; ആരോപണം തെറ്റെങ്കിൽ മാന നഷ്ടത്തിന് കേസ് കൊടുക്കണം; മുഖ്യമന്ത്രിയെ വെല്ലുവിളിച്ച് കെ മുരളീധരൻ
സ്വപ്നയുടെ ആരോപണത്തിൽ പ്രതികരിച്ച് കെ മുരളീധരൻ രംഗത്ത് വന്നിരിക്കുകയാണ്. അക്ഷരാർത്ഥത്തിൽ ഈ വിഷയത്തിൽ മുഖ്യമന്ത്രിയെ വെല്ലുവിളിച്ചിരിക്കുകയാണ് കെ മുരളീധരൻ. മുഖ്യമന്ത്രി ജുഡീഷ്യൽ അന്വേഷണത്തിന് ഉത്തരവിടണമെന്നാണ് അദ്ദേഹം വെല്ലുവിളിച്ചിരിക്കുന്നത്. ആരോപണം തെറ്റെങ്കിൽ മാന നഷ്ടത്തിന് പിണറായി കേസ് കൊടുക്കണമെന്നും അദ്ദേഹം വെല്ലുവിളിച്ചു. മുഖ്യനെ വെട്ടിലാക്കുന്ന ഒരു വെല്ലുവിളി തന്നെയാണ് ഈയൊരു വിഷയത്തിൽ അദ്ദേഹം നടത്തിയിരിക്കുന്നത്. മുഖ്യമന്ത്രി മാനനഷ്ടത്തിന് കേസ് കൊടുക്കണം എന്ന ഒരു വെല്ലുവിളി തന്നെയാണ് പ്രതിപക്ഷം ഉന്നയിച്ചത്.
കഴിഞ്ഞ ദിവസം പ്രതിപക്ഷ നേതാവ് വീ ഡി സതീശനും ഇത്തരത്തിലുള്ള ഒരു ആരോപണം തന്നെയാണ് ഉന്നയിച്ചത്. സ്വപ്നയെ ഈ ഘട്ടത്തിൽ അവിശ്വസിക്കേണ്ടതില്ലെന്നാണ് പ്രതിപക്ഷ നേതാവ് പറഞ്ഞിരിക്കുന്നത്. സ്വപ്ന പറയുന്നത് തള്ളിക്കളയാനാകില്ലെന്നും വി ഡി സതീശൻ പറഞ്ഞു.സിപിഎം നിയമ നടപടി സ്വീകരിക്കാൻ ഇപ്പോഴും തയ്യാറായിട്ടില്ല എന്നതും അദ്ദേഹം ചൂണ്ടിക്കാണിച്ചു. ഇതുവരെ മാന നഷ്ട കേസ് പോലും മുഖ്യമന്ത്രി നൽകിയിട്ടില്ല എന്നാണ് പ്രതിപക്ഷ നേതാവിന്റെ ആരോപണം. വിജേഷ് പിള്ളയുടെ ന്യായീകരണം വിശ്വാസിയോഗ്യമല്ലെന്നും വി ഡി സതീശൻ പറഞ്ഞു. എന്തായാലും സ്വപ്നയെ ഇപ്പോൾ അവിശ്വസിക്കേണ്ടുന്ന ആവശ്യമില്ല എന്നാണ് പ്രതിപക്ഷ നേതാവിന്റെ നിലപാട്.
അതേസമയം നിർണായകമായ വെളിപ്പെടുത്തലുകളായിരുന്നു കഴിഞ്ഞ ദിവസം സ്വപ്ന സുരേഷ് നടത്തിയത്.
സ്വര്ണ്ണക്കടത്ത് കേസിൽ സിപിഎമ്മിനെ പ്രതിരോധത്തിലാക്കി സംസ്ഥാന സെക്രട്ടറി എംവി ഗോവിന്ദനുമെതിരെയടക്കം ആരോപണങ്ങളുമായിട്ടായിരുന്നു സ്വപ്ന സുരേഷിന്റെ ഫേസ് ബുക്ക് ലൈവ്. വിജയ് പിള്ള എന്ന ഇടനിലക്കാരനെ വെച്ച് സ്വര്ണ്ണക്കടത്ത് കേസിൽ സിപിഎം സംസ്ഥാന സെക്രട്ടറി എംവി ഗോവിന്ദനടക്കം ഇടപെട്ട് ഒത്തുതീര്പ്പിന് ശ്രമിച്ചെന്ന് സ്വപ്ന സുരേഷ് ആരോപിച്ചു.
https://www.facebook.com/Malayalivartha