ഭരണപക്ഷം ജനാധിപത്യത്തെ അരുംകൊല ചെയ്യുന്നുവെന്ന ആരോപണവുമായി കെ പി സി സി പ്രസിഡന്റ് കെ സുധാകരൻ. കുത്തിമലർത്തിയ ചന്ദ്രശേഖരൻ്റെ ഭാര്യയുടെ കൈ ഒടിഞ്ഞിരിക്കുന്നു. ഇത് കേരളം ക്ഷമിക്കില്ല. സ്വപ്ന സുരേഷിനെതിരെ പാർട്ടി സെക്രട്ടറി മാനനഷ്ടത്തിന് പരാതി നൽകി. എന്തേ മുഖ്യമന്ത്രി കേസ് കൊടുക്കാതിരുന്നത്?. ഇത് സി.പി.എം വിലയിരുത്തണം.

സ്വപ്ന പറയുന്നത് അംഗീകരിക്കുന്നത് കൊണ്ടാണ് പിണറായി കേസിന് പോകാത്തത് . കോൺഗ്രസ്സ് പാർട്ടി പുന: സംഘടനയിൽ ഗ്രൂപ്പുകൾക്ക് സ്ഥാനമില്ല. ഡൽഹി ചർച്ചയിൽ താനത് വ്യക്തമാക്കിയിട്ടുണ്ട്. പുന:സംഘടനയുമായി ബന്ധപ്പെട്ട് ചില പ്രശ്നങ്ങളുണ്ട്. അത് പരിഹരിക്കുമെന്നും കെ സുധാകരൻ പറഞ്ഞു. ആലപ്പുഴയിൽ മാധ്യമങ്ങളോട് പ്രതികരിക്കുകയായിരുന്നു അദ്ദേഹം.