ഡോക്ടർമാർ തെരുവ് ചെണ്ടകളാണെന്ന രീതിയിൽ അവരെ അക്രമിക്കൂ എന്ന് നിയമസഭയിൽ ആഹ്വാനം ചെയ്ത ജനപ്രതിനിധികൾ തന്നെ ഈ പെൺകുട്ടിയുടെ കൊലപാതകത്തിന്റെ ഉത്തരവാദിത്തം ഏറ്റെടുക്കണം; ഗണേഷ് കുമാറിനെതിരെ സന്ദീപ് ജി വാര്യർ
ഡോക്ടർ വന്ദന ദാസിനുണ്ടായ ദുർവിധിയിൽ പകച്ചിരിക്കുകയാണ് കേരളം. കൊട്ടാരക്കര താലൂക്ക് ആശുപത്രിയിൽ ലഹരിക്കടിമയായ അധ്യാപകൻ സന്ദീപ് കുത്തിക്കൊലപ്പെടുത്തുകയായിരുന്നു യുവ ഡോക്ടർ വന്ദനയെ. ഇപ്പോൾ ഇതാ ഈ വിഷയത്തിൽ ഗണേഷ് കുമാറിനെ വിമർശിച്ച് ബിജെപി നേതാവ് സന്ദീപ് വാര്യർ രംഗത്ത് വന്നിരിക്കുകയാണ്. ഗണേഷ് കുമാർ നേരത്തെ നടത്തിയ ഒരു പ്രസ്താവനയാണ് അദ്ദേഹം വിമർശന വിധേയമാക്കിയിരിക്കുന്നത്. അദ്ദേഹം ഫേസ്ബുക്കിൽ പങ്കുവെച്ച് കുറുപ്പിന്റെ പൂർണ രൂപം ഇങ്ങനെ; ഡോക്ടർ വന്ദനക്ക് ആദരാഞ്ജലികൾ .
ഡോക്ടർമാർ തെരുവ് ചെണ്ടകളാണെന്ന രീതിയിൽ അവരെ അക്രമിക്കൂ എന്ന് നിയമസഭയിൽ ആഹ്വാനം ചെയ്ത ജനപ്രതിനിധികൾ തന്നെ ഈ പെൺകുട്ടിയുടെ കൊലപാതകത്തിന്റെ ഉത്തരവാദിത്തം ഏറ്റെടുക്കണം . ആരോഗ്യപ്രവർത്തകരെ മർദ്ദിക്കാൻ നിയമസഭയിൽ ആഹ്വാനം ചെയ്യുന്ന ജനപ്രതിനിധിയെ പ്രോത്സാഹിപ്പിക്കുന്ന ഒരു സമൂഹത്തിൽ ഇതും ഇതിലപ്പുറവും നടക്കും എന്നായിരുന്നു സന്ദീപ് ജി വാര്യരുടെ വിമർശനം.
ഫാണ്ട് അഭ്യർത്ഥന ചർച്ചയിലാണ് അദ്ദേഹം ഡോക്ടർമാരെ വിമർശിച്ചത്. ഗണേഷ് കുമാർ അന്ന് നടത്തിയ പ്രസ്താവന ഇങ്ങനെയായിരുന്നു; “70 ശതമാനം ഡോക്ടർമാരും അവരുടെ ജോലി നന്നായി ചെയ്യുന്നു. ബാക്കിയുള്ള 30 ശതമാനമാണ് ആരോഗ്യവകുപ്പിന്റെ സത്പേരിന് കളങ്കമുണ്ടാക്കുന്നത്. തന്റെ നിയോജക മണ്ഡലത്തിലെ രോഗികൾ ഉൾപ്പെടെയുള്ള ചില രോഗികൾക്ക് സർക്കാർ ഡോക്ടർമാരിൽ നിന്ന് നേരിടേണ്ടി വന്ന ദുരനുഭവവും ഗണേഷ് കുമാർ വിശദീകരിച്ചു.
https://www.facebook.com/Malayalivartha