കർണാടകയിൽ മഹാ അത്ഭുതം സംഭവിച്ചിരിക്കുകയാണ്. ജോഡോ യാത്രയിലൂടെ രാഹുൽഗാന്ധി നടന്നു കയറിയത് ജനങ്ങളുടെ മനസ്സിലേക്കാണ് എന്നതിന് ഏറ്റവും വലിയ തെളിവായി കർണാടക വിജയം എഴുതപ്പെട്ടിരിക്കുന്നു. അക്ഷരാർത്ഥത്തിൽ ബിജെപി കർണാടകയിൽ തകർന്നടിഞ്ഞിരിക്കുന്നു എന്ന് തന്നെ പറയാം,കാരണം അത്രയും ഭൂരിപക്ഷം നേടിയാണ് കോൺഗ്രസ് അധികാരത്തിലേക്ക് എത്തിയിരിക്കുന്നത്.

കോൺഗ്രസ് തിരിച്ച് അധികാരത്തിലേക്ക് എത്തുന്നു എന്നതിന്റെ സൂചന തന്നെയാണ് നമുക്കിപ്പോൾ കിട്ടുന്നത്. എന്തായാലും കോൺഗ്രസിന്റെ കർണാടകയിലെ വിജയത്തെക്കുറിച്ച് സംസാരിക്കുമ്പോൾ ഡി കെ ശിവകുമാർ എന്ന വ്യക്തിയെക്കുറിച്ച് പറയാതിരിക്കാൻ ആകില്ല. കോൺഗ്രസിനെ കർണാടകയിൽ നയിച്ചത് ഡി.കെ ശിവകുമാർ ആണ് എന്ന് പറയുന്നതിലും തെറ്റില്ല.

കോൺഗ്രസിനെ കർണാടകയിൽ പിടിച്ചുയർത്തിയത് ഡി കെ ശിവകുമാർ എന്ന വ്യക്തിയുടെ മാജിക്ക് കൊണ്ട് തന്നെയാണ്. ഈ തെരഞ്ഞെടുപ്പ് തീരുമാനിച്ചത് മുതൽ ഉറങ്ങാതെയും കൂടെയുള്ള, പ്രവർത്തകരെ ഉറങ്ങാൻ അനുവദിക്കാതെയും അശ്രാന്ത പരിശ്രമം നടത്തി അദ്ദേഹം. വൈകാരികമായ പ്രതികരണമാണ് ഈ ഒരു വിജയത്തിന് ശേഷം അദ്ദേഹം മാധ്യമങ്ങൾക്ക് മുന്നിൽ നടത്തിയത്.

കോൺഗ്രസിന്റെ മഹാ വിജയത്തിൽ മാധ്യമങ്ങൾക്ക് മുന്നിൽ പൊട്ടിക്കരഞ്ഞു ഡി കെ ശിവകുമാർ. മുഴുവൻ പ്രവർത്തകരുടെയും നേതാക്കളുടെയും കൂട്ടായ പ്രവർത്തനത്തിന്റെ ഫലമാണ് കന്നഡ മണ്ണിലെ ഈ വിജയമെന്ന് ഡി കെ ശിവകുമാർ പറഞ്ഞു. കേഡർ പ്രവർത്തനത്തിന്റെ വിജയമാണ്. എന്റെ പാർട്ടി പ്രവർത്തകർ, നേതാക്കൾ, രാഹുൽ ഗാന്ധി, പ്രിയങ്ക ഗാന്ധി, മല്ലികാർജുൻ ഖർഗെ, എന്നിങ്ങനെ ഒരോരുത്തരുടെയും പേരെടുത്ത് അദ്ദേഹം നന്ദി പറഞ്ഞു.

സിദ്ധരാമയ്യയുടെ പ്രവർത്തനങ്ങളെയും ഡികെ ഓർമ്മിച്ചു. ഇതിനിടെ ജയിലിൽ കിടന്ന നാളുകളിൽ തന്നെ കാണാനെത്തിയ സോണിയാ ഗാന്ധിയോടുള്ള നന്ദിയും അദ്ദേഹം അറിയിച്ചു. ബൂത്ത് ലെവൽ മുതലുള്ള പ്രവർത്തകർ എംഎൽഎമാർ, എഐസിസി, മറ്റ് ജനറൽ സെക്രട്ടറി എന്നിവരുടെയടക്കം പ്രവർത്തനഫലമാണ് ഈ വിജയമെന്നും ഡി കെ പറഞ്ഞു. നിറകണ്ണുകളോടെ കണ്ഠമിടറിയായിരുന്നു ഡികെ മാധ്യമങ്ങളോട് സംസാരിച്ചത്. ഭാരത് ജോഡോ യാത്രയെയും ഡികെ പരാമർശിച്ചു.

അതിവൈകാരികമായിരുന്നു ഡി കെയുടെ പ്രതികരണം. വെല്ലുവിളി ഉയർത്തി ബിജെയുടെ വിലയ താര നിര മുന്നിൽ നിന്ന് നയിച്ച റാലികളും പ്രചാരണങ്ങളും മറുപക്ഷത്ത് നടന്നിട്ടും അതിനെയെല്ലാം നിക്ഷ്പ്രഭമാക്കി വിജയം നേടിയ ഈ തെരഞ്ഞെടുപ്പിന് നേതൃത്വം നൽകിയ ആൾ എന്നതിനാൽ ഈ വിജയത്തിന്റെ ക്രെഡിറ്റ് ഡി കെയുടേത് കൂടിയാണ്. ഇനി അറിയേണ്ടത് ഡി കെ ശിവകുമാർ കർണാടകുയുടെ മുഖ്യമന്ത്രിയാകുമോ എന്നതാണ്.

മറ്റ് സംസ്ഥാനങ്ങളിലേതടക്കം കോൺഗ്രസ് സർക്കാർ ആടിയുലഞ്ഞപ്പോൾ, എംഎൽഎമാരെ റാഞ്ചാൻ ഓപ്പറേഷൻ താമര ഇറങ്ങിയപ്പോൾ, പണത്തിന്റെ കുത്തൊഴുക്കുണ്ടായപ്പോൾ പ്രതിരോധിക്കാൻ പണത്തിന് പകരം പണം അല്ലെങ്കിൽ ശക്തി എന്ന അതേ രീതിയിൽ പ്രകടിപ്പിക്കാൻ കോൺഗ്രസ് കണ്ടെത്തിയത് ശിവകുമാറിനെയായിരുന്നു.

. ഉറങ്ങാത്ത രാത്രികൾക്കും ദിവസങ്ങൾക്കും ആഴ്ചകൾക്കുമുള്ള ഫലം കൂടിയാവുകയാണ് ഈ വിജയം. കഴിഞ്ഞ ദിവസം ഏറെ വൈകിയും നടന്ന അഭിമുഖത്തിൽ ഒടുവിൽ അദ്ദേഹം പറയുന്നുണ്ടയിരുന്നു, ഇനി ഞാൻ ഉറങ്ങട്ടെ എന്ന്...ഇനി അറിയേണ്ടുന്നത് ആരാണ് മുഖൈമന്ത്രി എന്നാണ് ...ആ പ്രഖ്യാപനത്തിനായി കാതോർത്തിരിക്കാം