ആരോപണങ്ങളുടെ ശരശയ്യയില് കിടക്കുന്ന കേരളത്തിലെ മുഖ്യമന്ത്രി കോണ്ഗ്രസ് നേതാക്കള്ക്കെതിരെ കള്ളക്കേസെടുത്ത് മനപൂര്വമായി ശ്രദ്ധ തിരിക്കാനുള്ള ശ്രമമാണ് നടത്തുന്നത്; ഞങ്ങളെല്ലാം പേടിച്ച് പോകുമെന്നാണോ മുഖ്യമന്ത്രി ധരിച്ചിരിക്കുന്നത്; തുറന്നടിച്ച് പ്രതിപക്ഷ നേതാവ് വി ഡി സതീശൻ
ആരോപണങ്ങളുടെ ശരശയ്യയില് കിടക്കുന്ന കേരളത്തിലെ മുഖ്യമന്ത്രി കോണ്ഗ്രസ് നേതാക്കള്ക്കെതിരെ കള്ളക്കേസെടുത്ത് മനപൂര്വമായി ശ്രദ്ധ തിരിക്കാനുള്ള ശ്രമമാണ് നടത്തുന്നതെന്നു പ്രതിപക്ഷ നേതാവ് വി ഡി സതീശൻ . കെ.പി.സി.സി അധ്യക്ഷനെതിരായ കേസ് കള്ളക്കേസാണ്. കഴിഞ്ഞ ദിവസം എനിക്കെതിരെ കേസെടുത്തു.
ഇപ്പോള് കെ.പി.സി.സി അധ്യക്ഷനെതിരെ കേസെടുത്തു. ഞങ്ങളെല്ലാം പേടിച്ച് പോകുമെന്നാണോ മുഖ്യമന്ത്രി ധരിച്ചിരിക്കുന്നതെന്ന് അദ്ദേഹം പറഞ്ഞു.സ്വര്ണക്കള്ളക്കടത്ത് കേസില് അകത്ത് പോകേണ്ടയാളാണ് മുഖ്യമന്ത്രി. ലൈഫ് മിഷന് കോഴയില് പങ്ക് കിട്ടിയ മുഖ്യമന്ത്രി ഒന്നാം പ്രതിയാകേണ്ട ആളാണ്. എ.ഐ ക്യാമറയിലും കെ ഫോണിലും ഗുരുതരമായ അഴിമതി ആരോപണങ്ങളാണ് മുഖ്യമന്ത്രിക്കെതിരെ ഉയര്ന്നിരിക്കുന്നത്. കോവിഡ് കാലത്തെ മെഡിക്കല് പര്ച്ചേസ് കൊളളയിലും കേസില്ല. സ്വന്തക്കാരെ മുഴുവന് സംരക്ഷിക്കുകയും എതിര് ശബ്ദങ്ങളെ അടിച്ചമര്ത്തുകയുമാണ് ചെയ്യുന്നത് എന്നുമദ്ദേഹം ചൂണ്ടിക്കാണിച്ചു .
https://www.facebook.com/Malayalivartha
