ഗിരിജ തീയറ്റർ ഉടമ ഡോ.ഗിരിജ സൈബർ ആക്രമണം നേരിട്ട സംഭവം നാം അറിഞ്ഞതാണ്. ഇപ്പോൾ ഇതാ താൻ നേരിട്ട ആക്രമണത്തെ കുറിച്ചും ആ ഘട്ടത്തിൽ തനിക്ക് സഹായമായെത്തിയ വ്യക്തിയെ കുറിച്ചും പ്രതികരിച്ച് രംഗത്ത് വന്നിരിക്കുകയാണ് ഡോ.ഗിരിജ. രൂക്ഷമായ സൈബർ ആക്രമണമാണ് താൻ നേരിട്ടത് സൈബർ സെല്ലിലടക്കം പരാതിപ്പെട്ടു. പക്ഷേ ഒരു തരത്തിലുള്ള നടപടി സ്വീകരിച്ചില്ല. വളഞ്ഞിട്ട് ആക്രമിക്കുകയാണെന്നും ഡോകടർ ഗിരിജ പറഞ്ഞു.

2018 മുതൽ ഈ പ്രതിസന്ധി നേരിടുന്നു, നിർമ്മാതാക്കളോട് പരാതിപ്പെട്ടു. അവർക്കും പേടിയാണ് . ഇതിന് പിന്നിൽ മാഫിയ പ്രവർത്തിക്കുന്നുണ്ടോയെന്ന സംശയം ശക്തമാണ്. അനുകൂലമായി പോസ്റ്റിട്ട ആൾക്കാരുടെ ഫേസ്ബുക്ക് അക്കൗണ്ട് പൂട്ടിക്കുന്ന സാഹചര്യം വരെയുണ്ടായി . പലരും പരാതി പറഞ്ഞു,

തന്റെ ഒറ്റ ബലം നടൻ സുരേഷ്‌ഗോപി നൽകിയ പിന്തുണയാണ്. . കരഞ്ഞ് തളർന്ന അവസ്ഥയിലായിരുന്നു തന്നെ സുരേഷ് ഗോപി പിന്തുണച്ചു . അദ്ദേഹത്തിന്റെ പിന്തുണയാണ് ശക്തയായി നിൽക്കാൻ പ്രേരിപ്പിച്ചത്. ധൈര്യത്തോടെയിരിക്കാനും താൻ കൂടെയുണ്ടെന്നും സുരേഷ് ഗോപി പറഞ്ഞുവെന്നുംആ പിന്തുണയുടെ അടിസ്ഥാനത്തിലാണ് താൻ പിടിച്ചു നൽക്കുന്നതെന്നും ഡോ. ഗിരിജ വ്യക്തമാക്കി .

സമൂഹമാദ്ധ്യമങ്ങൾ വഴിയും നേരിട്ടും ടിക്കറ്റുകൾ ബുക്ക് ചെയ്യാനുള്ള സൗകര്യം ഒരുക്കിയതിനാലാണ് ഗിരിജ തീയറ്ററിന് നേരെ സൈബർ ആക്രമണംതുടങ്ങിയത്. ഓൺലൈൻ ബുക്കിങ് സൈറ്റുകളെ കൂടാതെയാണ് ഈനീക്കം നടത്തിയത് . ഡോ. ഗിരിജയുടെ ഫേസ്ബുക്ക് അക്കൗണ്ട് പൂട്ടിച്ചുതോടെ സോഷ്യൽ മീഡിയ നിയന്ത്രിക്കാൻ ഒരു ഏജൻസിയെ ചുമതലപ്പെടുത്തി . പക്ഷെ അവരുടെ അക്കൗണ്ടുകളും ബ്ലോക്കായി. ഇത്തരത്തിൽ 12 പേജുകളാണ് സൈബർ അറ്റാക്ക് വഴി പൂട്ടിച്ചതെന്ന് ഡോ. ഗിരിജ ഓർക്കുകയാണ്

തനിക്കെതിരെ വ്യാജ വാർത്ത നിർമ്മിക്കുന്നു. സൈബർ സെല്ലിൽ പരാതിപ്പെട്ടപ്പോൾ ഒരു നടപടി പോലും സ്വീകരിച്ചില്ല. അടുത്തിടെ പുറത്തിറങ്ങിയ ഒരു സിനിമയുടെ ടിക്കറ്റുകൾ സമൂഹ മാദ്ധ്യമങ്ങൾ വഴി വിൽക്കാൻ ശ്രമിച്ചപ്പോഴും വെല്ലുവിളി ഉണ്ടായി . അശ്ലീല സന്ദേശങ്ങൾ അയച്ച് ഭീഷണിപ്പെടുത്തുന്നതായും താൻ നിസ്സഹായാണെന്നും ഡോ. ഗിരിജ വ്യക്തമാക്കി.