സർക്കാർ ഈ വിഷയം ചർച്ച ചെയ്യാൻ തയ്യാറാണ്;എന്നാൽ പ്രതിപക്ഷം സഭ മുന്നോട്ട് പോകാൻ സമ്മതിക്കുന്നില്ല; ആഞ്ഞടിച്ച് അമിത് ഷാ
മണിപ്പൂർ ഗോത്ര സംഘർഷം കത്തി നിൽക്കുന്ന ഈ സാഹചര്യത്തിൽ, കേന്ദ്ര ആഭ്യന്തര മന്ത്രി അമിത് ഷാ ലോക്സഭയിൽ പറഞ്ഞ ഒരു കാര്യം വളരെ നിർണായകമാകുകയാണ്. മണിപ്പൂർ ഗോത്ര സംഘർഷവുമായി ബന്ധപ്പെട്ട് പാർലമെന്റിൽ ബഹളം ഇന്ന് ഉണ്ടായിരുന്നു. തുടർന്ന് മന്ത്രി അമിത് ഷാ ലോക്സഭാ സ്പീക്കർ ഓം ബിർളയെ കാണുകയുണ്ടായി .
സർക്കാർ ഈ വിഷയം ചർച്ച ചെയ്യാൻ തയ്യാറാണ്. എന്നാൽ പ്രതിപക്ഷം സഭ മുന്നോട്ട് പോകാൻ സമ്മതിക്കുന്നില്ലെന്നും തടസ്സപ്പെടുത്തുകയാണെന്നും അദ്ദേഹം ആരോപിക്കുകയും . എന്തിനാണ് പ്രതിപക്ഷം ഇത്തരത്തിൽ തടസ്സപ്പെടുത്തുന്നതെന്ന് മനസ്സിലാകുന്നില്ലെന്നും അമിത് ഷാ വ്യക്തമാക്കി.
ഇതേ കാര്യം തന്നെ കേന്ദ്രമന്ത്രി അനുരാഗ് ഠാക്കൂറും പറഞ്ഞു . മണിപ്പൂരിലെ വിഷയം പാർലമെന്റിൽ ചർച്ച ചെയ്യാൻ തയ്യാറാണ്. എന്നാൽ പ്രതിപക്ഷം വിഷയത്തിൽ നിന്നും ഒളിച്ചോടുകയാണെന്നായിരുന്നു അദ്ദേഹം പറഞ്ഞത്. പ്രഹ്ലാദ് ജോഷിയും ഇതേ ആരോപണം ഉന്നയിച്ചിരുന്നു. ജനങ്ങളെ കാണിക്കാൻ മാത്രമാണ് പ്രതിപക്ഷം പ്രവർത്തിക്കുന്നത്.
മണിപ്പൂരിലടക്കം കുറ്റകൃത്യങ്ങൾ കുറയുന്ന സമയത്താണ് അപ്രതീക്ഷിതമായി സംഘർഷങ്ങളുണ്ടാകുന്നത്. ഇതിന്റെ പിന്നിലെ കാര്യങ്ങൾ ഉടൻ പുറത്തുവരുമെന്നും അദ്ദേഹം വ്യക്തമാക്കി യുപിഎയുടെ ഭരണത്തിൽ നടന്നത് ഒർമ്മയില്ലേ എന്നും അദ്ദേഹം ആരോപിച്ചു.
https://www.facebook.com/Malayalivartha