പുതുപ്പള്ളി ഉപതിരഞ്ഞെടുപ്പിൽ പ്രചാരണ പ്രവർത്തനങ്ങളിൽ സജീവമായി യു ഡി എഫ്; ചാണ്ടി ഉമ്മന്റെ പോസ്റ്ററുകൾ സജീവമായി പ്രചരിപ്പിക്കുന്ന യുഡിഎഫ് സംഘം ചുവരെഴുത്തും തുടങ്ങി
പുതുപ്പള്ളി ഉപതിരഞ്ഞെടുപ്പിൽ പ്രചാരണ പ്രവർത്തനങ്ങളിൽ സജീവമായി യു ഡി എഫ്. പ്രചാരണ പ്രവർത്തനങ്ങളുടെ ഭാഗമായി സോഷ്യൽ മീഡിയയിൽ ചാണ്ടി ഉമ്മന്റെ പോസ്റ്ററുകൾ സജീവമായി പ്രചരിപ്പിക്കുന്ന യുഡിഎഫ് സംഘം ചുവരെഴുത്തും തുടങ്ങി കഴിഞ്ഞു.
തിരഞ്ഞെടുപ്പ് പ്രചാരണ പ്രവർത്തനങ്ങളുടെ ഭാഗമായി കൂരോപ്പടയിലാണ് കോൺഗ്രസ് യൂത്ത് കോൺഗ്രസ് പ്രവർത്തകരുടെ നേതൃത്വത്തിൽ ചുവരെഴുത്ത് ആരംഭിച്ചത്. തിരഞ്ഞെടുപ്പ് പ്രചാരണ പ്രഖ്യാപനം വന്നപ്പോൾ തന്നെ യു ഡി എഫ് പ്രവർത്തകർ പ്രചാരണ പ്രവർത്തനങ്ങൾ ആരംഭിച്ചിരുന്നു.
ബുധനാഴ്ച രാത്രി തന്നെ സോഷ്യൽ മീഡിയയിൽ ചാണ്ടി ഉമ്മന്റെ പോസ്റ്ററുകൾ പ്രചരിച്ചിരുന്നു. പാർട്ടി ചിഹ്നവും സ്ഥാനാർത്ഥിയുടെ പേരും അടക്കം വച്ച പോസ്റ്ററുകളാണ് ഇപ്പോൾ ബുധനാഴ്ച വൈകിട്ട് മുതൽ സോഷ്യൽ മീഡിയയിൽ പ്രചരിക്കുന്നത്. യൂത്ത് കോൺഗ്രസ് പ്രവർത്തകർ ഇതിനോടകം തന്നെ സോഷ്യൽ മീഡിയയിൽ പ്രചാരണ പ്രവർത്തനങ്ങൾ സജീവമാക്കിയിട്ടുണ്ട്.
ഇതിനിടെയാണ് പുതുപ്പള്ളി കുരോപ്പടയിൽ കോൺഗ്രസ് - യൂത്ത് കോൺഗ്രസ് പ്രവർത്തകർ ചുവരെഴുത്തും നടത്തി. ചാണ്ടി ഉമ്മനെ സ്ഥാനാർത്ഥിയായി ഔദ്യോഗികമായി പ്രഖ്യാപിച്ചതിന് പിന്നാലെയാണ് പാർട്ടി ചിഹ്നം സഹിതം ചുവരെഴുത്ത് നടത്തുകയായിരുന്നു പാർട്ടി പ്രവർത്തകർ.
https://www.facebook.com/Malayalivartha